حکومت آم کی برآمدبڑھانے کیلیے اقدامات کررہی ہے وزارت تجارت

وزارت تجارت کی جانب سے قومی اسمبلی کو بتایا گیا ہے کہ حکومت آم کی پیداوار اور برآمدات بڑھانے کے لیے اقدامات اٹھا رہی ہے، زندہ جانوروں کی برآمد پر پابندی عائد کی گئی ہے۔

پیر کو قومی اسمبلی میں وقفہ سوالات کے دوران سید آصف حسنین کے سوال کے جواب میں شیخ آفتاب احمد نے بتایا کہ 2011-12 میں 86 ہزار ٹن آم برآمد کیے گئے۔ رواں مالی سال میں اس میں مزید اضافہ ہو گا۔ بہت سے ممالک سے ڈیمانڈ آ رہی ہے۔ پی آئی اے کی طرف سے کرائے بڑھانے کا فیصلہ افسوسناک ہے۔




جتنی برآمدات بڑھیں گی اتنا زرمبادلہ بڑھے گا۔ قیصر احمد شیخ کے سوال کے جواب میں انہوں نے بتایا کہ حکومت پیداوار بڑھانے اور برآمدات بڑھانے کے لیے اقدامات کر رہی ہے۔