آسٹریلیا کے سابق اوپنر مائیکل سلیٹر کو اپنی ہی 2 خواتین دوستوں سے الجھنے پر جہاز سے اتار دیا گیا۔

مائیکل سلیٹر سڈنی سے اپنے آبائی علاقے واگاواگا جانے کیلیے جہاز پر سوار ہوئے جہاں پر اپنی ہی 2خواتین دوستوں کے ساتھ ان کی بحث ہوگئی، جس کے بعد انھوں نے خود کو جہاز کے ٹوائلٹ میں بند کردیا، انھیں باہر نکالنے کیلیے سیکیورٹی طلب کرنا پڑی اور پھر جہاز سے اتار دیا گیا۔

اس ہنگامے کی وجہ سے فلائٹ آدھے گھنٹے تاخیر کا شکاربھی ہوئی تاہم بعد میں سلیٹر نے اپنی حرکت پر معافی مانگ لی۔