یوایس اوپن ویمنز سنگلز میں دفاعی چیمپئن سمانتھا اسٹوسر پہلی آزمائش میں سرخرو

نیویارک : یوایس اوپن کے پہلے رائونڈ میں کروشین حریف پیٹرا مارٹک کیخلاف آسٹریلین پلیئر سمانتھا اسٹوسر کا ریٹرن شاٹ، وہ یہ مقابلہ جیت گئیں (فوٹو : ایکسپریس)

---

سیزن کے چوتھے اور آخری گرینڈ سلم یوایس اوپن کے ابتدائی دن ویمنز سنگلز کی دفاعی چیمپئن سمانتھا اسٹوسر نے کامیابی حاصل کرلی، آسٹریلوی اسٹار نے پہلی آزمائش میں کروشین حریف پیٹرا مارٹک کو مات دی، جمہوریہ چیک کی لوسیا ہارڈیکا نے انابیل میڈیا گوریجس پر غلبہ پایا، گزیلا ڈیلکو نے یوکرین کی لیزا شورنیکو کیخلاف فتح پائی، جورجیا کی اینا تاتیشویلی نے فرنچ حریف اسٹیفنی فورٹز کو ٹھکانے لگادیا۔

دوسری جانب نیوہیون اوپن کی فتح نے ویمنزٹینس کی ورلڈ رینکنگ میں پیٹرا کیوٹوا کی پانچویں پوزیشن کومستحکم کردیا، وکٹوریا آذرنیکا بدستور پہلے نمبر پر ہیں، اطالوی پلیئر روبریٹا ونسی نے چاردرجے ترقی کے بعد ٹاپ 20 میں جگہ بنالی، ان کی پوزیشن19 ہے۔