کراچی کے حالات قابو میں ہیں تو پولیس یا رینجرز مجھے کھارادریا چاکیواڑہ لے جاکردکھائیںچیف جسٹس

معلوم نہیں وہ کون سی طاقتیں ہیں جو پولیس اور رینجرز کو کراچی میں قیام امن سے روکتی ہیں، چیف جسٹس

ویب ڈیسک August 28, 2013

رینجرز کو کراچی میں موجود مختلف جماعتوں کے عسکری ونگز کے حاتمے کا حکم دیا لیکن اب تک عمل نہیں ہوا،چیف جسٹس فوٹو: پی پی آئی/ فائل

کراچی بدامنی کیس کی سماعت کے چیف جسٹس افتخار محمد چوہدری نے ریمارکس دیتے ہوئے کہ کہ معلوم نہیں وہ کون سی طاقتیں ہیں جو شہر میں پولیس اور رینجرز کو قیام امن سے روکتی ہیں۔

چیف جسٹس افتخار محمد چوہدری کی سربراہی میں سپریم کورٹ کراچی رجسٹری میں بدامنی کیس کی سماعت جاری ہے، دوران سماعت چیف جسٹس نے ڈی جی رینجرز کی عدالت میں عدم موجود گی پر برہمی کا اظہارکرتے ہوئے ڈی جی رینجرز کو طلب کرلیا، چیف جسٹس کا کہنا تھا کہ ہم یہاں وقت ضائع کرنے نہیں آئے، ہم نے آئین کی بالادستی کی قسم کھائی ہے، ان کا کہنا تھا کہ 9 دن میں 100 لوگ مارے گئے، پولیس رینجرز کیا کررہی ہے۔

ڈی جی رینجرز میجر جنرل رضوان اختر نےعدالت میں پیش ہو کر بتایا کہ کراچی کے حالات خراب کرنے میں سیاسی ونگزملوث ہیں ،سیاسی جماعتوں کے کارکنوں کی رہائی کے بعد حالات خراب ہوتے ہیں ،رمضان المبارک میں سیاسی جماعتیں فطرانے لے کر مزے لوٹ رہی تھی اب شور مچار ہے ہیں، جس پر چیف جسٹس نے کہا کہ 2 سال 4 ماہ قبل سپریم کورٹ نے عسکری ونگ کے حاتمے کا فیصلہ دیا، اب تک آپ نےعمل کیوں نہیں کیا، اگر آپ اپنی ذمےداری ادا نہیں کرسکتے تو ناکامی قبول کرلیں، انہوں نے کہا کہ معلوم نہیں وہ کون سی طاقتیں ہیں جو پولیس اور رینجرز کو قیام امن سے روکتی ہیں، آئی جی بتائیں گذشتہ سماعت سے اب تک کراچی کے حالات میں کیا بہتری آئی ہے، پولیس کے عہدیدار بغیر پروٹو کول کے سڑکوں پر نظر آنے چاہئیں۔

چیف جسٹس کا کہنا تھا کہ 2سال میں شہرمیں قانون نافذ کرنیوالے اداروں کا مکمل کنٹرول ہونا چاہیے تھا، اگرصورت حال قانون نافذ کرنے والے اداروں کے قابو میں ہے تو مجھے کھارادر، چاکیواڑہ لے جاکر دکھائیں، عدالت نے سماعت کے وقفے کے دوران ڈی رینجرز اور آئی جی کو بھتہ خوری ،ٹارگٹ کلنگ کے حوالے سے ایک مہینے کی رپورٹ جمع کروانے کا بھی حکم دے دیا۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

کراچی کے حالات قابو میں ہیں تو پولیس یا رینجرز مجھے کھارادریا چاکیواڑہ لے جاکردکھائیںچیف جسٹس

پاکستان

جسٹس فائز عیسیٰ آئین و جمہوریت کے عمل میں غیر متزلزل رہے، اٹارنی جنرل

پنجاب بلدیاتی انتخابات؛ مسلم لیگ ن کا 26اکتوبر کو تنظیمی اجلاس طلب

عافیہ صدیقی کیس میں حکومت وفد امریکا بھیجے گی، ایڈیشنل اٹارنی جنرل

چیف جسٹس فائز عیسیٰ نے اپنے ساتھی ججز میں تفریق پیدا کی، جسٹس منصور کا خط سامنے آگیا

ہم قانون اور کاغذ پر چلتے ہیں، سچ کیا ہے یہ اوپر والا جانتا ہے، چیف جسٹس کا الوداعی فل کورٹ سے خطاب

کراچی کے حالات قابو میں ہیں تو پولیس یا رینجرز مجھے کھارادریا چاکیواڑہ لے جاکردکھائیںچیف جسٹس

ہمارے ساتھ شامل ہوں

مقبول خبریں

پاکستان

جسٹس فائز عیسیٰ آئین و جمہوریت کے عمل میں غیر متزلزل رہے، اٹارنی جنرل

پنجاب بلدیاتی انتخابات؛ مسلم لیگ ن کا 26اکتوبر کو تنظیمی اجلاس طلب

عافیہ صدیقی کیس میں حکومت وفد امریکا بھیجے گی، ایڈیشنل اٹارنی جنرل

چیف جسٹس فائز عیسیٰ نے اپنے ساتھی ججز میں تفریق پیدا کی، جسٹس منصور کا خط سامنے آگیا

ہم قانون اور کاغذ پر چلتے ہیں، سچ کیا ہے یہ اوپر والا جانتا ہے، چیف جسٹس کا الوداعی فل کورٹ سے خطاب