عزت اگر عہدوں سے ملتی تو آج نالائق اعظم کی عزت ہوتی مریم نواز

کامیابی کا انحصار کسی عہدے پر نہیں بلکہ نظریے اور عوام کے دلوں میں جگہ بنانے پر ہوتا ہے

May 27, 2019

ووٹ چوری کرکے آنے والے جعلی اعظم اور ووٹ کی طاقت سے آنے والے عوامی وزیراعظم کہلاتے ہیں (فوٹو: فائل)

مسلم لیگ (ن) کی نائب صدر مریم نواز نے کہا ہے کہ کیا نیب بلٹ پروف گاڑیوں کا کیس جعلی وزیراعظم عمران خان پر بھی بنائے گی؟ یا ان کے بھی عہدے سے اترنے کا انتظار کرے گی؟ عزت اگر عہدوں سے ملتی تو آج نالائق اعظم کی عزت ہوتی۔

نیب نواز شریف پر بطور وزیرِ اعظم جن گاڑیوں کے استعمال کا کیس بنانے کی کوشش کر رہی ہے،جعلیِ اعظم آج کل وہی گاڑیاں نہ صرف استعمال کر رہا ہے بلکہ پیسہ ملنے کی امید میں خود چلاتے ہوے بھی نظر آتا ہے۔کیا نیب جعلیِ اعظم پرکیس آج بنائے گی یا انکے بھی عُہدے سے اُترنے کا انتظار فرمائے گی؟ pic.twitter.com/RMjEIMdkTp
— Maryam Nawaz Sharif (@MaryamNSharif) May 27, 2019

مریم نواز نے کہا کہ کامیابی کا انحصار کسی عہدے پر نہیں بلکہ نظریے اور عوام کے دلوں میں جگہ بنانے پر ہوتا ہے، عزت اگر عہدوں سے ملتی تو آج نالائق اعظم کی بھی عزت ہوتی اور وہ سر اٹھا کر چلنے کے قابل ہوتا، ووٹ چوری کرکے آنے والے جعلی اعظم اور ووٹ کی طاقت سے آنے والے عوامی وزیراعظم کہلاتے ہیں۔

کامیابی کا انحصار کسی عہدے پر نہیں بلکہ نظریے اور عوام کے دلوں میں جگہ بنانے پر ہوتا ہے۔
عزت عہدوں سے ملتی تو آج نالائق اعظم کی عزت ہوتی اور وہ سر اٹھا کہ چلنے کے قابل ہوتا۔
ووٹ چوری سے آنے والے جعلی اعظم کہلاتے ہیں
ووٹ کی طاقت سے آنے والے عوامی وزیراعظم کہلاتے ہیں۔ https://t.co/7XFTTe8E1E
— Maryam Nawaz Sharif (@MaryamNSharif) May 27, 2019

یہ پڑھیں: سرکاری بلٹ پروف گاڑیوں کا استعمال؛ نیب کی نواز شریف سے تفتیش

مریم نواز نے مزید کہا کہ بحیثیت وزیراعظم بلٹ پروف گاڑیوں کے استعمال پر نوازشریف سے ڈھائی گھنٹے تفتیش، خیبر پختون خوا حکومت کا حصہ نہ ہونے کے باوجود حکومت کے ہیلی کاپٹر کا بے دریغ استعمال کرنے والا جعلیِ اعظم قانون سے بالاتر؟ اب صرف نواز شریف کے خلاف اس کرسی پر بیٹھنے کا کیس باقی رہ گیا ہے جو کرسی انہیں ووٹ نے دلائی تھی۔