یو ایس اوپن سمانتھا اسٹوسر کو 17 سالہ کوالیفائر ڈیوال کے ہاتھوں اپ سیٹ شکست

انھوں نے مقابلہ5-7،6-4 اور 6-4 سے جیتا۔ فوٹو: رائٹرز/فائل

---

سابق چیمپئن سمانتھا اسٹوسر کو یوایس اوپن ٹینس کے پہلے رائونڈ میں 17 سالہ امریکی کوالیفائر وکٹوریہ ڈیوال کے ہاتھوں اپ سیٹ شکست ہوگئی۔

انھوں نے مقابلہ5-7،6-4 اور 6-4 سے جیتا، پولش پلیئر اگنسیکا ریڈوانسکا نے اسپین کی ماریا ٹریسا ٹورو کو 6-0 اور 7-5 سے ہرایا، ، اناستاسیا پاولیچنکووا نے آسٹریلیا کی ایشلیگ بارٹلی کو 6-4،6-0 جبکہ سواریز نیوارو نے امریکن کوالیفائر کوکو ویندے ویگ کو 6-3،6-4 سے قابو کیا، چینی پلیئر لینا نے سوئیڈن کی صوفیہ آرویڈسن کو 6-2،6-2 سے ٹھکانے لگایا۔

کیرولین ووزینسکی نے چینی پلیئر ڈوان ینگ ینگ کو 6-2، 7-5 سے مات دی، سیکنڈ سیڈ بیلاروس کی وکٹوریا آذرنیکا نے جرمن پلیئر ڈینا فیزن مائر کو آئوٹ کلاس کردیا۔ مینز سنگلز میں ورلڈ نمبرون نووک جوکووک نے لتھوینیا کے ریکارڈس برینکس کو ہرایا، سوئس ماسٹر راجرفیڈرر نے سلووینیا کے گریگا زیملج کو قابو کیا، جون اسنر نے اطالوی حریف فلیپو ولیندری پر غلبہ پالیا، فرانس کے گیل مونفلز نے رومانیہ کے ایڈرین اینگور کیخلاف فتح پائی۔