پاکستانی نژاد برطانوی باکسرعامرخان کا اگلا ہدف بھارتی باکسر ہوگا

عامر خان ہفتے کو کراچی میں پریس کانفرنس میں اپنے حریف کے نام کا اعلان کریں گے۔ فوٹو: فائل

---

سابق عالمی چیمپئین پاکستانی نژاد برطانوی باکسر عامر خان بھارتی باکسر سے مقابلہ کریں گے۔

ایکسپریس نیوز کے مطابق باکسنگ کے سابق عالمی چیمپئین عامرخان بھارتی باکسر سے مقابلہ کریں گے، ذرائع کے مطابق یہ انٹرنیشنل باکسنگ مقابلہ 12 جولائی کو سعودی عرب میں ہوگا، اس حوالے سے پاکستان نثراد برطانوی باکسر عامر خان ہفتے کے روز کراچی میں میڈیا بریفننگ میں اپنے حریف کے نام کا اعلان کریں گے۔

عامر خان کے قریبی ذرائع کا کہنا ہے کہ 12 جولائی کو سعودی عرب میں شیڈول مقابلے کا مقصد دونوں ممالک کو کھیلوں کے ذریعہ ایک دوسرے کے قریب لانا ہے۔