وزیر اعظم کا حکم زرتاج گل نے بہن کی تعیناتی کیلیے نیکٹا کو لکھا گیا خط واپس لے لیا

تحریک انصاف نے ہمیشہ اقربا پروری کی مخالفت کی، نعیم الحق۔ فوٹو : فائل

---

SAN FRANCISCO: وزیراعظم عمران خان نے وزیر مملکت برائے ماحولیات زرتاج گل کو اپنی بہن کی تقرری کے لیے نیکٹا کو لکھا گیا خط واپس لینے کا حکم دے دیا جس پر زرتاج گل نے خط واپس لے لیا۔

وزیراعظم کے معاون خصوصی نعیم الحق کی جانب سے سماجی رابطے کی سائٹ ٹوئٹر پر کہا گیا ہے کہ وزیراعظم عمران خان نے وزیر مملکت برائے ماحولیات زرتاج گل کو اپنی بہن کی تقرری کے لیے نیکٹا کو لکھا گیا خط واپس لینے کا حکم دیا ہے۔

The PM has directed that Zartaj Gul shud withdraw her letter written to NACTA regarding the appointment of her sister. This was against the ethics of PTI which has always opposed nepotism. No one in the PTI govt is can promote their relatives/friends by using their positions.

— Naeem ul Haque (@naeemul_haque) June 2, 2019

یہ پڑھیں: نیکٹا نے زرتاج گل کی بہن کی تقرری کو میرٹ کے مطابق قرار دے دیا

نعیم الحق کا کہنا تھا کہ سفارش پر تقرریاں پی ٹی آئی کی روایات کے خلاف ہیں، پی ٹی آئی حکومت میں کوئی شخص اپنے عزیز و اقارب کو فائدہ نہیں پہنچا سکتا، تحریک انصاف نے ہمیشہ اقربا پروری کی مخالفت کی لہذا حکومتی شخصیات عہدوں کا فائدہ اٹھا کر رشتہ داروں کو نواز نہیں سکتیں۔

یہ بھی پڑھیں: وفاقی وزیر زرتاج گل کی اسسٹنٹ پروفیسر بہن ڈائریکٹر نیکٹا تعینات

دریں اثنا وزیر مملکت زرتاج گل نے سیکریٹری داخلہ کو لکھا گیا خط واپس لے لیا اور کہا ہے کہ خط ارسال کرنے کا مقصد صرف سی وی کی نشاندہی کرنا تھا، خط کے ذریعے اقربا پروری یا دباؤ ڈالنے کی کوشش نہیں کی، غیر ذمہ دارانہ صحافت کی وجہ سے غیر ضروری تنقید کی گئی۔