بی بی سی کی پاکستان سے متعلق خبر جھوٹ کا پلندہ ہے ترجمان پاک فوج

خبر صحافتی ضابطہ اخلاق کی خلاف ورزی ہے جس کی شکایت کردی گئی ہے، ترجمان پاک فوج۔ ۔ فوٹو : فائل

---

ترجمان پاک فوج میجر جنرل آصف غفور کا کہنا ہے کہ بی بی سی میں گزشتہ روز پاکستان کے حوالے سے شائع ہونے والی خبر جھوٹ کا پلندہ اور حقائق کے منافی ہے۔

پاک فوج کے شعبہ تعلقات عامہ (آئی ایس پی آر) کے مطابق پاک فوج کے ترجمان میجر جنرل آصف غفور نے کہا ہے کہ برطانوی نشریاتی ادارے (بی بی سی) میں گزشتہ روز پاکستان کے حوالے سے شائع ہونے والی خبر جھوٹ کا پلندہ ہے، پاکستان پر انسانی حقوق کی خلاف ورزیوں کاالزام جھوٹ پر مبنی ہے۔

News story published by BBC on 2nd June 2019, titled “Uncovering Pakistan's Secret Human Rights Abuses” is pack of lies and in violation of journalistic ethos.
The issue is being formally taken up with BBC authorities. pic.twitter.com/A3QtbXJIkS

— DG ISPR (@OfficialDGISPR) June 3, 2019

ترجمان پاک فوج کا کہنا ہے کہ دو جون کو بی بی سی کی شائع کردہ خبر میں شائع مواد جھوٹ پر مبنی، حقائق اور صحافی آداب کے منافی ہے، بی بی سی نے گزشتہ روز خبر شائع کرنے سے پہلے ہمارا مؤقف نہیں لیا اور پاک فوج پر بنا ثبوت الزام لگا دیا، صحافتی اقدار کے منافی خبر شائع کرنے پر بی بی سی انتظامیہ سے رابطہ کیا ہے اور اس معاملے پر باضابطہ شکایت بھی کر دی گئی ہے۔