بجلی چوری پر4 سو کنکشنز منقطع تار ضبط لاکھوں روپے جرمانہ

جمعہ کے روز سرکل ون اور ٹو کے سپرنٹنڈنٹ انجینئرز کی سربراہی میں چھاپہ مار ٹیموں نے حالی روڈ پر واقع آٹا چکی کا کنکشن بجلی چوری پر کاٹ دیا. فوٹو: فائل

---

حیسکو اور ایف آئی اے ٹیموں کی بجلی چوروں اور نادہندگان کے خلاف کاروائی جاری ہے۔

حیسکو ترجمان کے مطابق جمعہ کے روز سرکل ون اور ٹو کے سپرنٹنڈنٹ انجینئرز کی سربراہی میں چھاپہ مار ٹیموں نے حالی روڈ پر واقع آٹا چکی کا کنکشن بجلی چوری پر کاٹ دیا جبکہ جامشورو کے علاقوں میں 4 سو سے زائد بجلی کے غیر قانونی کنکشن منقطع کر کے تار ضبط کر لیا اور بجلی چوروں کے خلاف ایف آئی آر کے اندراج کیلیے لیٹر متعلقہ تھانوں میں جمع کرا دیے گئے ۔ مزید براں حیسکو کی ریکوری ٹیموں نے ریجن کے 12 اضلاع میں مشترکہ کارروائیوں کے دوران درجنوں غیر قانونی کنکشن منقطع کر کے جرمانے کی مد میں 10 لاکھ روپے کی وصولی کی جبکہ نادہندگان سے81 لاکھ، 60 ہزار روپے وصول کیے گئے۔



علاوہ ازیں فرائض میں غفلت برتنے پر ایک حسیکو ملازم کومعطل کر دیا گیا۔ حیسکو اور ایف آئی کی مشترکہ کاروائیوں کے دوران مجموعی طور پر 3283 بجلی کنکشن منقطع کیے گئے اور30 ملازمین کو معطل کر دیا گیا۔ 17 بجلی چوروں کے خلاف ایف آئی آر درج کرائی گئی اور2 بجلی چوروں کو گرفتار کیا گیا جبکہ نا دہندگان سے 3کروڑ روپے سے زائد اور جرمانے کی مد میں9کروڑ سے زائد روپے وصول کیے گئے۔a