بھارتی ویزے کا حصول فیصل آباد کی ٹیم کے پاسپورٹس جمع کرا دیے گئے

پاکستان کرکٹ بورڈ نے چیمپئنز لیگ میں شرکت کرنے والی ٹیم فیصل آباد وولفز کے ویزوں کیلیے درخواستیں جمع کرا دیں۔


ذرائع نے بتایا کہ گوکہ ایونٹ میں مصباح الیون کی شرکت بدستور مشکوک ہے اس کے باوجود تمام پلیئرز کے پاسپورٹس بھارتی ہائی کمیشن میں جمع کرا دیے گئے،اس حوالے سے پی سی بی کا بی سی سی آئی سے مسلسل رابطہ اور اسے اپنی حکومت کی جانب سے گرین سگنل کا انتظار ہے، اگر تاخیر سے بھی کلیئرنس ملی تو ٹیم کو بھیج دیا جائے گا، فیصل آباد وولفز کے پلیئرز کو تیاریاں شروع کرنے کی ہدایت دے دی گئی ہے، مصباح اور سعید اجمل براہ راست زمبابوے سے ٹیم کو جوائن کریںگے۔ یاد رہے گذشتہ برس سیالکوٹ اسٹالینز نے پہلی بار پاکستان کی نمائندگی کا اعزاز پایا تھا۔