مقبوضہ کشمیر میں نمازعید کے بعد احتجاجی مظاہرے پاکستانی پرچم لہرادیے گئے

کشمیری نوجوانوں نے پاکستان کے حق میں نعرے بھی لگائے۔ فوٹو: کشمیر میڈیا سروس

---

مقبوضہ کشمیر میں عید الفطر کی نماز کے بعد جذبہ آزادی سے سرشار کشمیری جوانوں نے سبز ہلالی پرچم لہرا دیئے اور پاکستان زندہ باد کے نعرے بلند کیے۔

کشمیر میڈیا سروس کے مطابق جنت نظیر وادی میں کشمیریوں نے عید الفطر مذہبی جوش و جذبے کے ساتھ منائی، نماز عید کے اجتماعات منعقد ہوئے جس میں کشمیر کی آزادی، پاکستان کے استحکام اور شہداء کے درجات کی بلندی کے لیے خصوصی دعائیں بھی مانگی گئیں۔

https://twitter.com/UmmahZahid/status/1136186479992905728

سری نگر، اننت ناگ، کپواڑہ، بارہ مولا سمیت کئی دیگر علاقوں میں نماز عید کے بعد نہتے کشمیریوں نے پاکستانی پرچم بلند کیے اور جدوجہد آزادی کے حق میں نعرے لگائے، پاکستان سے کشمیریوں کی محبت قابض بھارتی فوج کو ایک آنکھ نہ بھائی اور وہ نمازیوں پر چڑھ دوڑے۔

Jammu and Kashmir: Stones pelted at security forces near Jamia Masjid in Srinagar; and posters supporting terrorist Zakir Musa and UN designated terrorist Masood Azhar seen in the area. pic.twitter.com/qu7uea90YO

— ANI (@ANI) June 5, 2019

ظالم بھارتی اہلکاروں نے پاکستان کے حق میں نعرے لگانے والوں کو تشدد کا نشانہ بنایا، آنسو گیس کی شیلنگ کی اور لاٹھی چارج کیا تاہم جب کشمیریوں کے جذبوں کو دبانے میں ناکام ہوگئے تو پیلٹ گن کی گولیاں برسائیں اور ہوائی فائرنگ کرکے درجنوں کشمیریوں کو زخمی کردیا۔

https://twitter.com/rebellion_singh/status/1136154255499206656

کشمیریوں کی پاکستان سے والہانہ محبت سے بوکھلاہٹ کا شکار ہونے والی بھارت نواز کٹھ پتلی انتظامیہ نے نہتے کشمیریوں پر مزید پابندیاں عائد کردیں، جگہ جگہ چیکنگ کے نام عوام کی تذلیل کی جارہی ہے اور عید ملن اجتماعات کے انعقاد میں روڑے اٹکائے جا رہے ہیں جس سے بھارت کا نام نہاد سیکولر اسٹیٹ کا نقاب اتر گیا ہے۔