ویرات اور روہت ایک بار پھر تمہارا شکار ہوں گے اسد عمر نےعامر کی ہمت بڑھا دی

جی سر بالکل، انشااللہ ہم پوری کوشش کریں گے، محمد عامر کا اسد عمر کو ٹویٹر پر جواب ۔ فوٹو : فائل

---

پاکستان تحریک انصاف کے رہنما اسد عمر نے قومی کرکٹ ٹیم کے فاسٹ بولر محمد عامر کی حوصلہ افزائی کرتے ہوئے کہا ہے کہ ویرات کوہلی اور روہت شرما ورلڈکپ کے دوران ایک بار پھر تمہارا شکار ہوں۔

سابق وزیر خزانہ اسد عمر نے سماجی رابطے کی ویب سائٹ ٹوئٹر پر عالم اسلام کو عید کی مبارک باد دیتے ہوئے کہا کہ تمام مسلمانوں کو عید مبارک ہو، اللہ تعالیٰ سب کی رمضان کی عبادت قبول کرے اور پاکستان کرکٹ ٹیم سے خصوصی درخواست ہے کہ اس خوشی کے ماحول کو کم سے کم چند دن ایسا ہی رہنے دیں۔

تمام مسلمانوں کو عید مبارک. اللہ سب کی رمضان کی عبادت قبول کرے. اور پاکستان کرکٹ ٹیم سے خصوصی درخواست کے اس خوشی کے ماحول کو کم سے کم چند دن ایسا ہی رہنے دے

— Asad Umar (@Asad_Umar) June 5, 2019

اسد عمر کی ٹویٹ کا جواب دیتے ہوئے فاسٹ بولر محمد عامر نے کہا کہ جی سر بالکل، انشااللہ ہم پوری کوشش کریں گے، آپ لوگ بھی ایسے کام کرنا کہ پورا پاکستان ہمیشہ خوش رہے۔

Ji sir bilkul inshallah hum poori try karen gay ap log b pls ese kam karna k poora pakistan hamesha khush rahe🙏🙏🙏

— Mohammad Amir (@iamamirofficial) June 5, 2019

محمد عامر کے جواب میں اسد عمر نے کہا کہ بڑے کھلاڑی بڑے اسٹیج پر پرفارم کرتے ہیں، انشااللہ تم ایک بار پھراس ٹورنامنٹ میں اپنی کلاس ثابت کروگے، ''جیسے کہ کہا جاتا ہے کہ فارم میں ہونا عارضی جب کہ کلاس میں ہونا مستقل اور پائیدار ہوتا ہے''، اور بھارت کے ساتھ میچ میں ویرات کوہلی اورروہت شرما کی وکٹیں تمہاری ہیں۔

Inshallah. Barey player barey stage par perform kartey hain. Inshallah tum aik dafa phir iss tournament mein apni class prove karo gey.... As they say form is temporary and class is permanent.... Aur India key match mein kohli aur rohit ki wickets tumharee hain!

— Asad Umar (@Asad_Umar) June 5, 2019