فواد چوہدری نے پاکستان پیپلزپارٹی سے رابطوں کی تردید کردی

پیپلزپارٹی کا کوئی مستقبل نہیں جب کہ میں ہی پی ٹی آئی ہوں اور خود کو کون چھوڑتا ہے، فواد چوہدری۔ فوٹو:فائل

---

وزیر سائنس و ٹیکنالوجی فواد چوہدری نے پاکستان پیپلزپارٹی سے رابطوں کی تردید کرتے ہوئے کہا ہے کہ میں پارٹی سے ناراض نہیں۔

رہنما تحریک انصاف اور وزیر سائنس و ٹیکنالوجی فواد چوہدری نے پاکستان پیپلزپارٹی سے رابطوں کی تردید کرتے ہوئے کہا ہے کہ پہلی بات میں پارٹی سے ناراض نہیں، دوسری بات پیپلزپارٹی کا کوئی مستقبل نہیں اور تیسری بات نبیل گبول کو خود پارٹی میں کوئی نہیں پوچھتا جب کہ چوتھی بات میں ہی پی ٹی آئی ہوں اور خود کو کون چھوڑتا ہے۔

چلئے اب اس عید کی بحث ختم ، اب اگلے دو اہم اسلامی دن یعنی عید الاضحیٰ اور محرم کب ہیں ، ھجری کیلنڈر کے مطابق عید الا ضحیٰ سوموار 12 اگست 2019 اور محرم یکم ستمبر 2019 بروز اتوار کو ہو گا۔

— Ch Fawad Hussain (@fawadchaudhry) June 6, 2019

دوسری جانب سماجی رابطے کی سائٹ ٹوئٹر فواد چوہدری نے کہا کہ چلئے اب اس عید کی بحث ختم ہوگئی، اب اگلے 2 اہم اسلامی دن یعنی عیدالاضحیٰ اور محرم کب ہیں، ھجری کیلنڈر کے مطابق عیدالا ضحیٰ پیر 12 اگست 2019 اور محرم یکم ستمبر 2019 بروز اتوار کو ہوگا۔