پی آ ئی اے کوبحران سے نکالنے کیلیے تعاون کرنا ہوگارائوقمر

حج آپر یشن میںایئرٹریفک کنٹرولرزکاتعاون چاہیے،ملکرخدمات انجام دے سکتے ہیںفائل: فوٹو

---

پی آ ئی اے اور سول ایوی ایشن اتھارٹی دونوں قومی ادارے ہیں اور باہمی تعاون سے دونوں ادارے مل کر شہری ہوا بازی کے میدان میں نمایاں خدمات انجام دے سکتے ہیں۔یہ بات چیئر مین و چیف ایگزیکٹو آفیسر پی آ ئی اے ایئر چیف مارشل(ر) رائو قمرسلیمان نے پی آ ئی اے کی جانب سے ایئرٹریفک کنٹرولرز کے اعزازمیں منعقد ہ عشائیے کے موقع پر خطاب کرتے ہو ئے کہی۔

انھوں نے کہا کہ پی آ ئی اے کوموجودہ بحرانی صورتحال اورباالخصوص حج آپر یشن کے دوران ایئرٹریفک کنٹرولرزکاتعاون درکارہے انھوںنے کہاکہ پی آ ئی اے قومی ادارہ ہے او ر اسے موجودہ بحران سے نکالنے کیلیے ہمیں ایک دوسرے کے ساتھ تعاون کرنا ہوگا ۔

تقریب سے چیئر مین سول ایوی ایشن اتھارٹی ندیم خان یوسفزئی اور ایئر ٹریفک کنٹرولرز ایسوسی ایشن کے صدر نعیم اقبال نے خطاب کیا اورچیئرمین پی آ ئی اے کواپنے بھرپور تعاون کا یقین دلایا اس موقع پر ندیم خان یوسفزئی نے ڈائریکٹر فلائٹ آپریشن پی آئی اے کیپٹن انورعادل کو یادگار شیلڈ پیش کی آخر میں ڈائر یکٹر فلائٹ آپر یشنز پی آ ئی اے کیپٹن انور عادل نے تما م مہمانوں کا شکریہ ادا کیا۔