نوازشریف کو ایمرجنسی ادویات دینے سے فالج کا خدشہ ہے مریم نواز

نواز شریف کے فوری طور پر تازہ ٹیسٹ اور ای سی جی ہونی چاہیے، مریم نواز فوٹو:فائل

---

مسلم لیگ (ن) کی نائب صدر مریم نواز کا کہنا ہے کہ نوازشریف پہلے ہی بڑی مقدار میں ادویات لے رہے ہیں اور مزید ایمرجنسی ادویات سے انہیں سٹروک بھی ہوسکتا ہے۔

سماجی رابطے کی ویب سائٹ ٹویٹر پر مسلم لیگ (ن) کی نائب صدر مریم نواز نے بتایا ہے کہ نواز شریف کے ڈاکٹروں کے رائے ہے کہ مزید ادویات دینے سے پہلے چوبیس گھنٹے کی مانیٹرنگ ضروری ہے اور ان کی 24 گھنٹے مانیٹرنگ جیل میں ممکن نہیں ہے۔

MNS’s personal physicians are of the view that emergency medicines prescribed by PIC drs can cause sudden drop in BP & stroke as he is already on max dose. Adding sublinguals must not be done without 24/7 monitoring which is not possible in jail. ECG & fresh labs must be done. https://t.co/eZfm1Mklbd

— Maryam Nawaz Sharif (@MaryamNSharif) June 8, 2019

مریم نواز کا کہنا ہے کہ نواز شریف کو پی آئی سی کے ڈاکٹروں کی طرف سے تجویز کردہ ادویات سے ان کا بلڈ پریشر گر سکتا ہے اور ایمرجنسی ادویات سے انہیں اسٹروک بھی ہوسکتا ہے، کیونکہ وہ پہلے ہی بڑی مقدار میں ادویات لے رہے ہیں، نواز شریف کے تازہ ٹیسٹ اور ای سی جی فوری طور پر ہونی چاہیے۔