ویمنز کرکٹ انگلینڈ نے آسٹریلیا کو تیسرے ٹی 20 میں 7 وکٹ سے مات دے دی

کینگروز نے مقررہ اوورز میں 7 وکٹ پر91 رنزاسکور کیے۔ فوٹو : فائل

---

ویمنز ایشز ٹور کے تیسرے اور آخری ٹی20 میں انگلینڈ نے آسٹریلیا کو7وکٹ سے مات دے دی، میزبان ٹیم پہلے ہی ٹرافی اپنے قبضے میں کرچکی تھی۔

ملٹی فارمیٹ کی اولین ایشز سیریز میں انگلینڈ نے 12 پوائنٹس حاصل کیے جبکہ مہمان ٹیم محض4 پوائنٹس ہی جوڑپائی، ہفتے کو کینگروز نے مقررہ اوورز میں 7 وکٹ پر91 رنزاسکور کیے، میگ لیننگ32 رنز کے ساتھ ٹاپ اسکورر رہیں،ڈینیلی ہیزل نے2 پلیئرز کو قابو کیا،فاتح ٹیم نے16.2 اوورز میں3 وکٹ پر ہدف حاصل کرلیا، نٹالی سیوائر37 اور لائیڈیا گرینوے35 پرناٹ آئوٹ رہیں، دونوںکے درمیان چوتھی وکٹ کیلیے 78 رنز کی ناقابل شکست شراکت قائم ہوئی، سارہ کوئٹے نے2وکٹیں اپنے نام کیں۔