ٹنڈوآدم پولیس کا قمار خانے پر چھاپے 13 جواری گرفتار

پولیس نے اڈے سے 60 ہزار روپے سے زائد رقم بھی برآمد کرلی. فوٹو: فائل

---

ٹنڈوآدم سٹی پولیس نے ٹنڈوآدم شہر کے مذبح خانے کے نزدیک جوئے کے اڈے پر چھاپہ مار کر جوا کھیلنے کے الزام میں عبدالغفار راجپوت، پرویز میواتی، نور حسن مگسی، عمران راجپوت اور محمد دستی سمیت 13 افراد کو گرفتار کرلیا۔



پولیس نے اڈے سے 60 ہزار روپے سے زائد رقم بھی برآمد کرلی، جبکہ شہریوں کا کہنا ہے کہ پولیس ٹنڈو آدم شہر کے محلہ احمد آباد میں مین ریلوے لائن پر چلنے والے خیرپور تھانہ کے پولیس اہلکار آصف کھوکھر اور طالب چانڈیو کے اڈے کے خلاف کارروائی کرنے سے گریز کررہی ہے۔