پولیس کاچھاپہ ملزم 12 سو لیٹر کچی شراب سمیت گرفتار

سی آئی اے بدین کے انچارج شاہنواز خاصخیلی نے بتایا کہ ہمیں خفیہ اطلاع ملی تھی کہ صالح جونیجو میں کچی شراب بنانے کی فیکٹری چل رہی ہے۔ فوٹو: فائل

---

سی آئی اے پولیس بدین نے خفیہ اطلاع ملنے پر بدین کے نواحی گوٹھ صالح جونیجو میں چھاپہ مار کر کچی شراب بنانے والی فیکٹری میں تیار کی جانے والی 12سو لیٹر کچی شراب برآمد کرکے ایک ملزم کو گرفتار کرلیا جبکہ 2 ملزمان فرار ہوگئے۔

اس سلسلہ میں رابطہ کرنے پر سی آئی اے بدین کے انچارج شاہنواز خاصخیلی نے بتایا کہ ہمیں خفیہ اطلاع ملی تھی کہ صالح جونیجو میں کچی شراب بنانے کی فیکٹری چل رہی ہے۔



جس پر چھاپہ مار کر12سو لیٹر سے زائد کچی شراب اور شراب کشیدہ کرنے کا سامان برآمد کرکے ایک ملزم کو گرفتار کرلیا ہے جبکہ 2 افراد فرار ہونے میں کامیاب ہوگئے جن کی گرفتاری کے لئے پولیس پارٹیاں روانہ کردی گئی ہیں، ان کو بھی جلد گرفتار کرلیا جائے گا۔