بھارت لڑکی سے زیادتی کے الزام میں ہندو مذہبی رہنما سنت آسا رام باپو گرفتار

72سالہ سنت آسا رام پراتر پردیش کی16 سالہ لڑکی سے زیادتی کا الزام ہے۔ فوٹو: فائل

---

بھارتی ریاست راجستھان کی پولیس نے لڑکی سے زیادتی کے الزام میں ہندو رہنماسنت آسا رام باپوکو گرفتار کر لیا،ملزم کوسخت سیکیورٹی میں بذریعہ طیارہ جودھ پورمنتقل کردیاگیا ۔

اتوار کو بھارتی میڈیا کی رپورٹ کے مطابق پولیس نے سنت آسارام کومدھیاپردیش میں ان کے آشرم سے گرفتارکیاگیا۔ 72سالہ سنت آسا رام پراتر پردیش کی16 سالہ لڑکی سے زیادتی کا الزام ہے۔ لڑکی کے والدین نے 20 اگست کو نئی دہلی میں واقعے کی رپورٹ درج کرائی تھی۔سنت آسا رام کا نام پہلے بھی کئی تنازعات میں سامنے آچکا ہے۔کچھ عرصے پہلے گجرات میں ان کے آشرم سے بھی2بچوں کی لاشیں ملی تھیں۔