بھارتی مسافر بردار طیارے کو لینڈنگ کے دوران حادثہ

لینڈنگ کے دوران طیارے کا ٹائر پھٹ گیا اور قریب تھا کہ طیارہ بے قابو ہو کر حادثے کا شکار نہ ہوجائے۔ فوٹو : بھارتی میڈیا

---

بھارت میں دبئی سے جے پور آنے والے مسافر بردار طیارے کا ٹائر لینڈنگ کے دوران پھٹ گیا تاہم پائلٹ کی حاضر دماغی نے طیارے کو بڑے حادثے سے بچالیا۔

بین الاقوامی خبر رساں ادارے کے مطابق بھارتی فضائی کمپنی اسپائس جیٹ کا طیارہ 189 مسافروں کو لیکر دبئی سے جے پور کے لیے روانہ ہوا تاہم ایئرپورٹ پر لینڈنگ کے دوران طیارے کا ٹائر پھٹ گیا۔

طیارے کا ٹائر پھٹ جانے کی وجہ سے لینڈنگ میں مشکلات کا سامنا رہا اور جہاز ڈگمگانے لگے، مسافروں میں خوف پھیل گیا تاہم پائلٹ نے بڑی مہارت سے طیارے کو قابو میں رکھا اور محفوظ لینڈنگ کرادی۔

#WATCH: SpiceJet Dubai-Jaipur SG 58 flight with 189 passengers onboard made an emergency landing at Jaipur airport at 9:03 am today after one of the tires of the aircraft burst. Passengers safely evacuated. #Rajasthan pic.twitter.com/f7rjEAQt7M

— ANI (@ANI) June 12, 2019

جے پور ایوی ایشن نے پائلٹ کو طیارے کے ایک ٹائر کے پھٹنے سے آگاہ کردیا تھا جس پر پائلٹ نے اپنے کریو ممبرز کی مدد سے محفوظ لینڈنگ کرائی۔ جہاز کا ٹائر مکمل طور پر پھٹ گیا اور رن وے پر ٹائر کی رگڑ سے چنگاریاں نکلنے لگی تھیں۔

جے پور سول ایوی ایشن نے طیارے کی محفوظ لینڈنگ پر پائلٹ کی مہارت اور حاضر دماغی کی تعریف کرتے ہوئے کہا کہ پائلٹ نے ٹائر پھٹ جانے کے باوجود جہاز کو قابو میں رکھا اور رن وے کو نقصان پہنچنے نہیں دیا۔