سیاسی رہنماؤں کی گرفتاریوں پر شوبز فنکار آمنے سامنے

مہنگائی تو ہردور میں دیکھی ہے لیکن طاقتور امیر بدمعاشوں کو جیل جاتے اور ان کی چیخیں نکلتے ہوئے پہلی بار دیکھا ہے، حمزہ

ویب ڈیسک June 13, 2019

سیاسی رہنماؤں کو سزا ملے گی ان سے پیسہ واپس حاصل کیاجائے گا تو ملکی معاشی صورتحال بہتر ہوگی ، حمزہ علی عباسی فوٹوفائل

سیاسی رہنماؤں کی گرفتاریوں نے جہاں ملکی سیاست پر اثر ڈالا ہے وہیں شوبز فنکار بھی اس صوتحال میں اپنے خیالات کا اظہار کرنے سے خود کو روک نہیں سکے۔

پاکستان میں پچھلے کئی روز بہت اہم رہے ہیں بانی ایم کیوایم الطاف حسین، پیپلز پارٹی کے شریک چیئرمین آصف زرداری اور قائد حزب اختلاف پنجاب اسمبلی حمزہ شہباز کی گرفتاری نے ملکی سیاست میں بھونچال پیدا کردیا ہے۔ ملک میں جہاں لوگ ان گرفتاریوں پر اپنے خیالات کا اظہار کررہے ہیں وہیں شوبز فنکار بھی سیاسی رہنماؤں کی گرفتاریوں پر آمنے سامنے آگئے ہیں۔ کوئی ان گرفتاریوں پر خوشی کا اظہار کررہا ہے تو کوئی وزیراعظم سے درخواست کرتا نظر آرہا ہے کہ پاکستان کے اصل مسائل ان رہنماؤں کی گرفتاریاں نہیں بلکہ معاشی مسائل ہیں۔

نامور پاکستانی اداکار ومیزبان حمزہ علی عباسی نے ان گرفتاریوں پر اپنے خیالات کا اظہار کرتے ہوئے کہا مہنگائی تو ہردور میں دیکھی ہے، لیکن طاقتور امیر بدمعاشوں کو جیل جاتے ہوئے اور ان کی چیخیں نکلتے ہوئے پہلی بار دیکھا ہے ، الطاف، حمزہ اور زرداری کی جیل مبارک ہو۔

Mehangaai tau harr dorr mein dekhi hai... Lekin taqatwarr ameer badmaashon ko jail jaatay howay aur unn ki cheekhain nikaltay howay pehli baar dekha hai... Altaf, Hamza aur Zardari ki jail mubarik ho.
— Hamza Ali Abbasi (@iamhamzaabbasi) June 11, 2019

جہاں حمزہ علی عباسی نے ان گرفتاریوں پر خوشی کااظہار کیا ہے وہیں اداکار مرزا گوہر رشید نے وزیراعظم کی توجہ دیگر ملکی مسائل کی طرف دلاتے ہوئے لکھا ہے آصف زرداری گرفتار ہوگیا، نواز شریف نااہل اور شہباز شریف ٹرائل کا سامنا کرنے کے لیے پاکستان واپس آگئے آپ نے بہت اچھا کام کیا ، لیکن وزیراعظم صاحب کیا ہم اب اس نفرت اورمحبت سے آگے بڑھ کر ملک کی خراب معاشی صورتحال اور ہمارے ملک کے مستقبل کے حوالے سے سوچ سکتے ہیں۔

#AsifZardari is now arrested #NawazSharif has been disqualified #ShahbazSharif is back in #Pakistan to face his trials, Job welldone. Now PM #ImranKhan sahab can we please get over with this love and hate romance and focus on the deteriorating economy and future of our country🇵🇰
— Mirza Gohar (@GoharRsd) June 10, 2019

گوہر رشید نے مزید کہا کہ کرپشن کے بادشاہ جیل میں ہیں لیکن کیا ان کا جیل میں ہونا ہمارے لیے کوئی معنی رکھتا ہے؟ میں چاہتا ہوں ڈالر کی قدر نیچے آئے، تمام لوگوں کو برابری کی بنیاد پر روزگار حاصل ہو، میں اپنے ملک میں قانون کی بالادستی، منظم ٹریفک سسٹم، صاف پانی کی فراہمی اورپاکستان کو صاف ستھرا دیکھنا چاہتاہوں۔ میں اپنے پولیس والوں کو واقعی پولیس والا دیکھنا چاہتاہوں۔

Both the "kings of corruption" are in jail. Amazing. "This is Naya Pakistan in 9 months". Uhhhmazing. Wait though, how does it matter to any of us? I want the dollar rate to come down. I want to see more employment and fair pay opportunities. I want a CLEANER city/country. (1/2)
— Mirza Gohar (@GoharRsd) June 11, 2019

تاہم حمزہ علی عباسی نے گوہر رشید کے ان ٹوئٹس کے جواب میں ٹوئٹ کرتے ہوئے لکھا جولوگ کہہ رہے ہیں ان سیاسی رہنماؤں کی گرفتاریوں سے ہمیں کیا فائدہ ہوگا تو میں ان کو بتانا چاہتاہوں ان کو سزا ملے گی، ان سے پیسہ واپس حاصل کیاجائے گا تو ملکی معاشی صورتحال بہتر ہوگی اور بعد میں اعلیٰ عہدوں پر آنے والے کرپشن کرنے سے گھبرائیں گے سمجھ آئی؟

For all those asking "Inn ke giraftaar honay se humaein kiya faida?" 🤦‍♂️ In ko saza milay gi, in se paisa recover ho ga (NAB has recovered Rs 250+ BN already) tau economy mein paisa aye ga aur baaqi ooper power mein aanay waalay corruption kernay se ghabraayein ge... Samhaj aayee? https://t.co/o8wSh2oJ6T
— Hamza Ali Abbasi (@iamhamzaabbasi) June 12, 2019

پاکستان میں پچھلےکئی عرصے سے یہ ٹرینڈ چل پڑا ہے جہاں شوبز فنکار بھی ملکی معاملات میں کھل کر اپنی رائے کا اظہار کرتے نظر آتے ہیں جو کہ پاکستان کے لیے بہت خوش آئند بات ہے۔