وسیم اکرم کی آسٹریلوی نژاد اہلیہ نے پاک آسٹریلیا میچ میں کس کی حمایت کی

آج میں جو کچھ بھی ہوں اس میں پاکستان نے اہم کردار ادا کیا ہے، شنیرا اکرم (فوٹو: فائل)

---

سابق لیجنڈ کرکٹر وسیم اکرم کی آسٹریلوی نژاد اہلیہ نے پاک آسٹریلیا میچ میں کس کی حمایت کی؟

پاکستان اور آسٹریلیا کے درمیان ہونے والے ولڈ کپ میچ کی وجہ سے پاکستان کے سابق مایا ناز فاسٹ بالر وسیم اکرم کی اہلیہ شنیرا اکرم آسٹریلوی نژاد ہونے کی وجہ سے سوشل میڈیا پر صارفین کے سوالات میں گھری رہیں کہ آیا وہ اپنے شوہر وسیم اکرم کے ملک کی حمایت کریں گی یا وہ اپنے ہی ملک کی ٹیم کا حوصلہ بڑھائیں گی تاہم اس کشمکش کو شنیرا نے اپنی ٹوئٹ کے ذریعے حل کردیا۔

شنیرا اکرم نے سماجی رابطے کی ویب سائٹ ٹوئٹر پر پاکستانی ہونے کا ثبوت دیتے ہوئے کہا کہ پاکستان یا آسٹریلیا ٹیم میں سے کسی ایک ٹیم کی حمایت کی وجہ سے میری پوسٹ پر دیگر تاثرات بھی دیکھنے میں آئے اور میں اس بات کو بخوبی سمجھتی بھی ہوں لیکن سچ کہوں تو مجھے بھی نہیں پتا تھا کہ مجھے کس ٹیم کی حمایت کرنی چاہئے۔

A lot of comments surrounding my post yesterday & I completely understand that. To be honest I didn’t know who I was going to support but when I saw our boys in green come out,I felt pride and I’m apart of that now, so I knew then and there who I was supporting 🇵🇰

— Shaniera Akram (@iamShaniera) June 13, 2019

شنیرا اکرم نے یہ بھی کہا کہ جب میں نے اپنے نوجوانوں کو سبز لباس میں میدان میں آتے دیکھا تو مجھے فخر محسوس ہوا اور اب سے میں اسی ٹیم کا حصہ ہوں اور میں اسی لمحے یہ سمجھ گئی کہ میں اس وقت کس کی حمایت کر رہی ہوں۔

لیجنڈ سابق کرکٹر وسیم اکرم کی اہلیہ نے اپنی ایک اور ٹوئٹ میں یہ بھی کہا کہ میری پیدائش اور پرورش آسٹریلیا کی ہے لیکن اب میں پاکستانی لوگوں کے لئے اور اُن کے ساتھ اپنی زندگی گزار رہی ہوں ۔ پاکستان بہت اچھا ملک ہے آج میں جو کچھ بھی ہوں اس میں پاکستان نے اہم کردار ادا کیا ہے۔

I was born and bred an Australian but I have come to live my life for and with the people of Pakistan. Pakistan has been good to me and plays a big part of who I am today. I love Australia and always will but I am with Pakistan all the way 🇵🇰 Pakistan ZINDABAD

— Shaniera Akram (@iamShaniera) June 13, 2019

شنیرا اکرم نے کہا کہ میں آسٹریلیا سے محبت کرتی ہوں اور ہمیشہ کرتی رہوں گی لیکن میں ہر قدم پر پاکستان کے ساتھ رہوں گی۔ پاکستان زندہ باد۔

واضح رہے کہ گزشتہ روز پاکستان اور آسٹرلیا کے درمیان ہونے والے میچ میں آسٹریلیا نے پاکستان کو 41 رنز سے شکست دے دی تھی۔