کراچی پیر آباد میں مبینہ پولیس مقابلے میں 2 دہشتگرد ہلاک ایک اہلکار زخمی

ملزمان کے قبضے سے اسلحہ اور دستی بم بھی برآمد کیا گیا ہے اور ان کا تعلق کالعدم تنظیم سے ہے، ایس پی اورنگی ٹاؤن چوہدری اسد فوٹو : فائل

---

اورنگی ٹاؤن کے علاقے پیر آباد میں پولیس نے مبینہ مقابلے میں 2 دہشت گردوں کو ہلاک کردیا جبکہ مقابلے میں ایک پولیس اہلکار بھی زخمی ہوگیا۔

پولیس کے مطابق دہشت گردوں نے پولیس کی موبائل پر فائرنگ کردی جس سےایک اہلکار زخمی ہوگیا تاہم پولیس کی جوابی فائرنگ سے 2 دہشت گرد ہلاک اور ان کے 3 ساتھی فرار ہوگئے۔ ایس پی اورنگی ٹاؤن چوہدری اسد کا کہنا ہے کہ 5 ملزمان موٹر سائیکلوں پر سوار تھے، ملزمان کے قبضے سے اسلحہ اور دستی بم بھی برآمد کیا گیا ہے اور ان کا تعلق کالعدم تنظیم سے ہے۔ مبینہ پولیس مقابلے میں ہلاک ہونے والے دونوں دہشت گردوں کی لاش کو عباسی شہید اسپتال منتقل کردیا گیا ہے تاہم ان کی اب تک شناخت نہیں ہوسکی ہے۔