پاپوش نگر میں پولیس مقابلے کے دوران ڈاکو ہلاک

ناظم آباد کے علاقے پاپوش نگر میں پولیس مقابلے کے دوران ڈاکو ہلاک جبکہ اس کے ساتھی فرار ہونے میں کامیاب ہوگئے، تفصیلات کے مطابق ناظم آباد کے علاقے پاپوش میں پولیس اور ڈاکوئوں کے درمیان فائرنگ کے تبادلے کے نتیجے میں ایک ڈاکو ہلاک جبکہ اس کے ساتھی فرار ہوگئے۔


پاپوش پولیس کے مطابق پاپوش نگر کا رہائشی رفیع یوسفی اسٹیٹ بینک سے پرائز بانڈ لے کر اپنی رہائش گاہ نزد صرافہ بازار کی جانب اپنی موٹر سائیکل پر آرہا تھا کہ کار رجسٹریشن نمبر AGP-507 میں سوار مسلح افراد نے اسے روکا اور اسلحے کے زور پر لوٹنا چاہا، صرافہ بازار پر تعینات پولیس اہلکاروں نے انھیں دیکھتے ہی فائرنگ کی، ڈاکوئوں نے فائرنگ کرتے ہوئے فرار ہونے کی کوشش کی، فائرنگ کے نتیجے میں ایک ڈاکو ہلاک ہوگیا۔