ٹارگٹڈآپریشن صرف کراچی نہیں ملک بھرمیں کیا جائے رحمن ملک

ملک کو اس وقت مختلف مسائل کاسامناہے اوران مسائل سے نمٹنے کیلیے تمام سیاسی جماعتوں کو اپنا کردار ادا کرنا ہوگا،رحمن ملک. فوٹو: فائل

---

PESHAWAR: پیپلز پارٹی کے رہنمااورسابق وفاقی وزیر داخلہ رحمن ملک نے کہاہے کہ کراچی میں دہشت گردی میں لشکرجھنگوی ملوث ہے۔

منگل کووزیراعلیٰ ہائوس میں ایک تقریب کے بعدمیڈیاسے گفتگوکرتے ہوئے رحمن ملک نے کہاکہ ملک دشمن عناصر کراچی کو ٹارگٹ بنا کر پاکستان کو غیر مستحکم کرنا چاہتے ہیں، ملک کو اس وقت مختلف مسائل کاسامناہے اوران مسائل سے نمٹنے کیلیے تمام سیاسی جماعتوں کو اپنا کردار ادا کرنا ہوگا، ملک اس وقت الزام تراشی کا متحمل نہیں ہوسکتا، ٹارگٹڈ آپریشن صرف کراچی میں نہیں بلکہ جنوبی پنجاب سمیت پورے ملک میں ہوناچاہیے۔