سونے کی قیمت نے ملکی تاریخ کے تمام ریکارڈ توڑ دیئے

10گرام سونا429روپےمہنگاہوکر67ہزار387روپےکاہوگیا، آل سندھ صرافہ بازار۔ فوٹو: فائل

---

سونا 500 روپے مزید مہنگا ہوکر فی تولہ 78 ہزار 600 روپے کی بلند ترین سطح پر پہنچ گیا۔

ایکسپریس نیوزکے مطابق روپے کی بے قدری اور ڈالر کی بڑھتی قیمت کے ساتھ ساتھ سونے کی قیمت بھی نئے ریکارڈ قائم کررہی ہے، رواں ہفتے اوپن مارکیٹ میں ڈالر 50 پیسے سستا ہوکر 157.50 سے کم ہوکر 157 روپے کا ہوگیا، جب کہ ایک ہفتے میں انٹر بینک میں ڈالر 99 پیسے مہنگا ہو کر 155.84 سے بڑھ کر 156.83 روپے پر بند ہوا۔

اس خبرکوبھی پڑھیں: سونے کی قیمت ملکی تاریخ کی بلند ترین سطح پر پہنچ گئی

دوسری جانب عالمی بلین مارکیٹ میں بھی سونے کی قیمت کو پر لگ گئے ہیں اور سونے کی فی اونس قیمت روز نئی بلند ترین سطح پر پہنچ رہی ہے، عالمی مارکیٹ میں سونا 4 ڈالر کے اضافے کے ساتھ 1400 ڈالر فی اونس کی سطح پر پہنچ گیا ہے، اور ملکی صرافہ مارکیٹوں میں بھی سونے کی فی تولہ اور دس گرام قیمت میں بالترتیب 500 اور 429 روپے کا اضافہ ہوگیا ہے۔

عالمی مارکیٹ میں سونے کی قیمت بڑھنے کے بعد کراچی، حیدرآباد، سکھر، ملتان، فیصل آباد، لاہور، اسلام آباد، کی صرافہ مارکیٹوں میں سونے کی فی تولہ قیمت بڑھ کر 78 ہزار 600 روپے اور دس گرام سونے کی قیمت اضافے کے بعد 67 ہزار 387 ہوگئی ہے، جو ملکی تاریخ میں ایک نیا ریکارڈ ہے۔