قومی شاہراہ پر بس الٹ گئی لڑکی جاں بحق 20مسافر زخمی
زخمیوں میں خواتین اور بچے بھی شامل ہیں، 7 کی حالت تشویشناک۔
زخمی ہونے والوں کا تعلق پنجاب کے مختلف علاقوں سے ہے۔
پنجاب سے کراچی جانے والی مسافر کوچ قاضی احمد کے نزدیک قومی شاہراہ پر نرسری اسٹاپ کے قریب ٹائی راڈ کھل جانے کے باعث ڈرائیور سے بے قابو ہو کر درخت سے ٹکرا کر الٹ گئی۔
جس کے نتیجے میں 18 سالہ سیما زوجہ غلام فرید سکندر ساہیوال موقع پر ہلاک اور 20 سے زائد مسافر زخمی ہوگئے۔ زخمیوں میں خواتین اور بچے بھی شامل ہیں جنھیں فوری طور پر قاضی احمد اسپتال منتقل کیا گیا جن میں مسماۃ صغراں، مسماۃ سویرا، کنیز فاطمہ، ساجد، فرید، محمد اجمل، مشتاق، محمد ساجد، محمد قربان، وقاص، قربان علی، خدا بخش ، نور محمد ، اعجاز ، ہاشم، محمد ندیم و دیگر شامل ہیں۔
7 زخمیوں کو تشویشناک حالت میں سول اسپتال نواب شاہ ریفر کیا گیا ہے ۔حادثے میں زخمی ہونے والوں کا تعلق پنجاب کے مختلف علاقوں سے بتایا گیا ۔ کوچ ڈرائیور موقع سے فرار ہوگیا۔
جس کے نتیجے میں 18 سالہ سیما زوجہ غلام فرید سکندر ساہیوال موقع پر ہلاک اور 20 سے زائد مسافر زخمی ہوگئے۔ زخمیوں میں خواتین اور بچے بھی شامل ہیں جنھیں فوری طور پر قاضی احمد اسپتال منتقل کیا گیا جن میں مسماۃ صغراں، مسماۃ سویرا، کنیز فاطمہ، ساجد، فرید، محمد اجمل، مشتاق، محمد ساجد، محمد قربان، وقاص، قربان علی، خدا بخش ، نور محمد ، اعجاز ، ہاشم، محمد ندیم و دیگر شامل ہیں۔
7 زخمیوں کو تشویشناک حالت میں سول اسپتال نواب شاہ ریفر کیا گیا ہے ۔حادثے میں زخمی ہونے والوں کا تعلق پنجاب کے مختلف علاقوں سے بتایا گیا ۔ کوچ ڈرائیور موقع سے فرار ہوگیا۔