گڈانی کے ساحل پر نہاتے ہوئے 2 افراد ڈوب کر جاں بحق ہوگئے جن کی لاشیں نکال لی گئی ہیں۔

ایکسپریس نیوز کے مطابق کراچی سے ملحقہ بلوچستان کے ضلع حب کے علاقے گڈانی میں سمندر میں نہاتے ہوئے 2 افراد ڈوب گئے، ساحل پر موجود امدادی رضاکاروں نے دونوں افراد کی لاشیں نکال کر ورثا کے حوالے کردی ہیں۔

ترجمان ایدھی فاؤنڈیشن کا کہنا ہے کہ جاں بحق ہونے والے دونوں افراد کراچی کے رہائشی ہیں،جن کی شناخت ابراہیم اور سعد کے نام سے ہوئی ہے، ابراہیم لیاقت آباد اور متوفی سعد گلبرگ کا رہائشی ہے۔