وزیر دفاعی پیداوار کی صوبوں کو ملکی ساختہ اسلحہ اور سازوسامان خریدنے کی ترغیب

متعلقہ افسران کو قومی پیداواری اداروں کا دورہ کراکے معیار کو جانچا جا سکتا ہے، رانا تنویر فوٹو : فائل

---

وفاقی وزیر دفاعی پیداوار رانا تنویر حسین نے چاروں وزرائے اعلیٰ کو صوبائی پولیس کیلیے اسلحہ اور دہشتگردی سے نمٹنے کیلیے دیگر سازو سامان بیرون ممالک کی بجائے قومی پیداواری اداروں سے خریدنے کیلیے خط ارسال کیا ہے۔

وزرائے اعلیٰ کو آگاہ کیا گیا ہے کہ وزارت دفاعی پیداوار کے زیرانتظام قومی پیداواری اداروں میں پولیس کے زیر استعمال اسلحے کے علاوہ دہشت گردی کی روک تھام کیلیے جامر اور اسکینر تیار کیے جاتے ہیں جن کی کارکردگی اور معیار بیرون ملک سے خریدے گئے آلات سے کہیں بہتر ہونے کی گارنٹی دی جائے گی۔



خط میں وزرائے اعلیٰ سے کہا گیا کہ ہوم سیکریٹریوں، آئی جی حضرات اورمتعلقہ افسران کو قومی پیداواری اداروں کا دورہ کراکے معیار کو جانچا جا سکتا ہے۔