حمزہ عباسی نے دوسری شادی کیلیے مصالحتی کونسل سے اجازت کی حمایت کردی

اسلام نے یہ بھی ہدایت دی کہ اگر انصاف نہ کرسکو تو بہتر ہے کہ ایک ہی شادی بر قرار رکھے، اداکار (فوٹو: فائل)

---

LOS ANGELES: اداکار حمزہ علی عباسی دوسری شادی کے لیے مصالحتی کونسل سے اجازت لینے کی شرط کی حمایت میں بول پڑے۔

حمزہ علی عباسی نے اپنے ٹویٹ میں اسلام آباد ہائی کورٹ کے فیصلے کی تائید کرتے ہوئے کہا کہ ایک وقت تھا جب مرد کو اجازت تھی کہ وہ جتنی شادیاں کرنا چاہے کرلے لیکن اسلام نے چار سے زائد شادی کرنے پر پابندی عائد کی تاکہ برابری کا انصاف کیا جاسکے۔

In a time when a man was allowed to marry as many as he wanted, Islam restricted it to 4 provided u do justice with a divne advice tht its difficult to do justice SO MARRY ONLY 1. Men exploited this verse/oppressed women to cater to their lust. BRAVO IHC!https://t.co/RvkpNes8Gt

— Hamza Ali Abbasi (@iamhamzaabbasi) June 24, 2019

حمزہ علی عباسی نے یہ بھی کہا کہ اسلام نے یہ بھی ہدایت دی کہ اگر انصاف نہ کرسکو تو بہتر ہے کہ ایک ہی شادی بر قرار رکھے لیکن مرد نے اس اجازت کا غلط استعمال کرتے ہوئے محض اپنی ہوس کی خاطر مزید شادیاں کیں اور خواتین کے ساتھ ناانصافی کی۔ اداکار نے اسلام آباد ہائی کورٹ کے فیصلے پر شاباشی بھی دی۔

یہ پڑھیں: مصالحتی کونسل کی اجازت کے بغیر دوسری شادی پر سزا کا حکم

واضح رہے کہ اسلام آباد ہائی کورٹ نے ایک کیس کی سماعت کے موقع پر تحریری فیصلہ جاری کرتے ہوئے قرار دیا ہے کہ پہلی بیوی کی اجازت کے باوجود مصالحتی کونسل سے اجازت لینا لازمی ہوگا اور مصالحتی کونسل کی اجازت کے بغیر دوسری شادی کرنے والے شخص کو سزا اور جرمانے کا سامنا کرنا ہوگا۔