عام انتخابات میں قومی خزانے سے فی ووٹر 66 روپے خرچ ہوئے

عام انتخابات پر 5ارب 68کروڑ 26لاکھ روپے سے زائد رقم خرچ ہوئی۔ فوٹو : فائل

---

11 مئی کو ہونے والے عام انتخابات میں قومی خزانے سے ہر رجسٹرڈ ووٹر پر 66 روپے خرچ ہوئے۔

الیکشن کمیشن آف پاکستان کے مطابق 11 مئی 2013 کو ہونے والے عام انتخابات پر 5ارب 68کروڑ 26لاکھ روپے سے زائد رقم خرچ ہوئی۔ انتخابی عمل کے دوران ملک بھر میں رجسٹرڈ ووٹرز کی کل تعداد 8کروڑ 61لاکھ سے زائد تھی اس طرح ہر ووٹرز پر الیکشن کمیشن آف پاکستان کی جانب سے 66 روپے خرچ کئے گئے جو وزارت خزانہ کی جانب سے جاری کئے گئے۔

الیکشن کمیشن کے پاس 254سیاسی جماعتیں رجسٹرڈ ہیں جن میں سے 200 سے زائد ایسی سیاسی جماعتیں ہیں جویا تو انتخابات میں حصہ ہی نہیں لیتیں یا پھر ایک بھی نشست حاصل نہیں کرپاتیں، اس کے باوجود ملک میں ان جماعتوں پر پابندی لگانے کا کوئی قانون نہیں۔