لیثررلیگز فٹبال کوالیفائنگ راؤنڈ جولائی میں شیڈول

لیثررلیگز نیشنل چیمپئن شپ کا کوالیفائنگ راؤنڈ جولائی کے پہلے ہفتہ سے سکھر میں شروع ہورہا ہے جس میں 9ٹیمیں باہم مقابل ہونگی۔

لیثررلیگز نیشنل چیمپئن شپ کے کوالیفائنگ راؤنڈ میں ملک کے دیگر شہروں ٹنڈو جام میں 10، اسلام آباد میں 4، پشاور میں 4 مینگورہ میں 4، صوابی میں 4، کوئٹہ میں 16، لاہور، سیالکوٹ ، گجرات اورملتان میں 4،4جبکہ گلگت اور پاسو میں 4،4 ٹیمیں حصہ لیں گی۔

کراچی میں28 جولائی کو فائنل راؤنڈ کھیلنے والی 4ٹیموں کا فیصلہ ہوگا، سندھ سے کوالیفائی کرنے والی ٹیم کا فیصلہ ٹنڈوجام کی زرعی یونیورسٹی گراؤنڈ پر ہوگا جہاں سکھر اور ٹنڈوجام سے 19 ٹیموں کے گروپ میچز کے بعد سندھ کی ٹاپ ٹیم کا فیصلہ ہوگا۔


کے پی کے ، بلتستان اور اسلام آبادکی کوالیفائنگ راؤنڈ کھیلنے والی20 ٹیموں میں سے ٹاپ ٹیم کا فیصلہ پشاور میں ہوگا۔بلوچستان کی19 ٹیموں میں سے ٹاپ ٹیم کا چناؤکوئٹہ میں ہوگا۔لاہور، سیالکوٹ، ملتان اور گجرات کی 16 ٹیموں میں سے پنجاب کی ایک ٹاپ ٹیم کے فیصلے کیلیے لاہور میں کوالیفائنگ راؤنڈ کھیلا جائے گا۔

28 جولائی کوپنجاب، کے پی کے ، بلوچستان اور سندھ کی ایک ایک ٹیم کراچی میں نیشنل چیمپئن شپ کا فائنل راؤنڈ کھیلیں گی، فائنل راؤنڈ کی فاتح ٹیم بحیثیت نیشنل چیمپئن 12تا 20اکتوبر دوسرے سوکا ورلڈ کپ کا فائنل راؤنڈ کھیلنے یونان کے شہر کریٹ کا سفرکریگی۔