افغان تماشائیوں کی ہلڑ بازی نے آئی سی سی کو بھی تشویش میں مبتلا کردیا۔

ترجمان کا کہنا ہے کہ ہم شائقین کے جھگڑے سے آگاہ ہیں،چند افراد نے کھیل سے لطف اندوز ہونے کیلیے آنے والے دیگر تماشائیوں کو پریشان کیا، اس طرح کے رویے کو نظر انداز نہیں کیا جا سکتا،ہم کسی سیاسی عمل کو کرکٹ میں گوارا نہیں کر سکتے۔

ترجمان نے کہا کہ اسٹیڈیم کی سیکیورٹی اور یارکشائر پولیس نے مسلسل رابطے میں رہتے ہوئے صورتحال پر قابو پایا، کوشش کریں گے کہ اس طرح کے واقعات دوبارہ نہ ہوں۔