نارتھ ناظم آباد میں پانی کی موٹر چرانے والا چور کرنٹ سے ہلاک

متوفی کے پاس سے ایسی کوئی چیز نہیں ملی جس سے اس کی شناخت کی جا سکے، پولیس۔ فوٹو: فائل

---

بلوچ پلازہ میں بجلی کا کرنٹ لگنے سے 25 سالہ شخص جاں بحق ہوگیا۔

تیموریہ کے علاقے نارتھ ناظم آباد بلاک ایم فائیو اسٹار چورنگی پرانا ٹوکے بس اسٹاپ کے قریب واقع بلوچ پلازہ میں بجلی کا کرنٹ لگنے سے 25 سالہ شخص جاں بحق ہوگیا، متوفی کی لاش ایدھی ایمبولینس کے ذریعے عباسی شہید اسپتال منتقل کی گئی۔

پولیس کے مطابق متوفی بلوچ پلازہ میں لگی بجلی کی موٹرچوری کر رہا تھا کہ اسے کرنٹ لگ گیا ، متوفی کے پاس سے ایسی کوئی چیز نہیں ملی جس سے اس کی شناخت کی جا سکے، پولیس نے ضابطے کی کارروائی کے بعد لاش شناخت ورثا کے لیے سردخانے منتقل کر دی۔