انگلینڈ نے ناقابل شکست بھارت کو پچھاڑ دیا

میچ برمنگھم میں کھیلا جارہا ہے، فوٹو: سوشل میڈیا

---

کرکٹ ورلڈکپ کے اہم میچ میں انگلینڈ نے اب تک کی ناقابل شکست بھارت کو پچھاڑ کر اپنے سیمی فائنل میں پہنچنے کی امیدوں کو برقرار رکھا ہے۔

آج کی فتح کے ساتھ انگلینڈ کے 10 پوائنٹس ہوگئے ہیں جب کہ پاکستان کے 9 پوائنٹس ہیں اور دونوں ٹیموں کو سیمی فائنل میں رسائی کے لیے اپنے آخری میچ میں کامیابی حاصل کرنا لازمی ہے۔ پاکستان کو بنگلادیش کا چیلنج درکار ہے جب کہ میزبان ٹیم نیوزی لینڈ سے فائنل فور کے لیے ٹکرائے گی۔

انگلینڈ کی نیوزی لینڈ کے خلاف کامیابی، پاکستان کو ایونٹ سے تقریباً باہر کر دے گی، انگلینڈ اور نیوزی لینڈ 3 جولائی کو چیسٹرلی اسٹریٹ میں مد مقابل ہوں گے، پاکستانی ٹیم کا اگلا میچ 5 جولائی کو بنگلا دیش سے شیڈول ہے.

Watch the moment England ended India's unbeaten run in #CWC19#ENGvIND #WeAreEngland pic.twitter.com/f5zUZXlAto

— ICC (@ICC) June 30, 2019

برمنگھم میں کھیلے گئےاس اہم میچ میں انگلینڈ کے 338 رنز کے جواب میں بھارتی ٹیم مقررہ اوورز میں 5 وکٹوں پر 306 رنز ہی بنا سکی اور 31 رنز سے شکست کھا گئی۔ ہدف کے تعاقب میں بھارت کا آغاز اچھا نہ تھا اور صرف 8 کے مجموعی اسکور پر راہول صفر پر پویلین لوٹ گئے، ابتدائی نقصان کے بعد کپتان کوہلی نے روہت شرمان نے محتاط انداز میں اننگز کو آگے بڑھایا اور 138 رنز کی پارٹنرشپ قائم کی، تاہم ویرات کوہلی 146 کے مجوعے پر چلتے بنے، انہوں نے 66 رنز بنائے۔

بھارت کی امیدیں اس وقت دم توڑ گئیں جب روہت شرما 102 رنز بنا کر آؤٹ ہوگئے، ان کی سنچری بھی ٹیم کو شکست سے نہ بچا سکی جب کہ ریشبا پانٹ 32 اور پانڈیا 45 رنز بنا کر آؤٹ ہوئے، دھونی 42 اور جادیو 12 رنز کے ساتھ ناٹ آؤٹ رہے، بھارت نے آخری 10 اوورز میں صرف 72 رنز بنائے۔

انگلینڈ کی جانب سے لیام پلنکٹ نے 3 اور کرس ووکس نے 2 وکٹیں حاصل کیں۔

England are alive in #CWC19! #EoinMorgan's men come good under pressure with a fighting 31-run win to end India's unbeaten run!

Scores, stats and highlights of #ENGvIND on the official app ⬇️
APPLE 🍎 https://t.co/VpYh7SIMyP
ANDROID 🤖 https://t.co/cVREQ16w2N pic.twitter.com/YI9GjBw4Sr

— ICC (@ICC) June 30, 2019

اس سے قبل انگلینڈ نے بھارت کے خلاف ٹاس جیت کر پہلے بیٹنگ کرنے کا فیصلہ کیا تومیزبان ٹیم کی جانب سے اننگز کا آغاز جونی بیئراسٹو اور جیسن رائے نے کیا، دونوں اوپنرز نے جارحانہ کھیل کا مظاہرہ کیا اور 160 رنز کی اوپننگ شراکت قائم کی جس کے بعد جیسن رائے 66 رنز بنا کر کلدیپ یادیو کی گیند پر آؤٹ ہوگئے۔

اوپننگ کے لیے آنے والے جونی بیراسٹو نے شاندار اننگز کا مظاہرہ کیا اور سنچری اسکور کرتے ہوئے 111 رنز بنائے، انہیں محمد شامی نے آؤٹ کیا جب کہ کپتان این مورگن صرف ایک رن بناکر پویلین واپس لوٹ گئے۔

Ben Stokes' excellent 79 off 54 balls builds on Bairstow's 111 as England post 337/7 in a must-win game! Have they got enough?

Scores, stats and highlights of #ENGvIND on the #CWC19 app 👇
APPLE 🍎 https://t.co/VpYh7SIMyP
ANDROID 🤖 https://t.co/cVREQ16w2N pic.twitter.com/8MOEJlQlpI

— ICC (@ICC) June 30, 2019

ون ڈاؤن آنے والے جوئے روٹ نے بین اسٹوک کے ساتھ مل کر 70 رنز کی شراکت بنائی تاہم روٹ 44 رنز بناکر آؤٹ ہوگئے، بین اسٹوک نے جارحانہ کھیل کا مظاہرہ کیا اور اپنی نصف سنچری مکمل کی، بین اسٹوک نے 54 گیندوں پر 79 رنز بنائے جس کی بدولت انگلینڈ کی ٹیم مقررہ 50 اوورز میں 7 وکٹوں کے نقصان پر 337 رنز بناسکی۔