روینہ ٹنڈن نے بالی ووڈ چھوڑنے پر زائرہ وسیم کو ’’ناشکرا‘‘ قرار دیدیا

زائرہ وسیم باوقار طریقے سے بالی ووڈ چھوڑ کر جائیں جائیں اور اپنے فضول خیالات اپنے پاس ہی رکھیں، روینہ ٹنڈن (فوٹو: فائل)

---

ماضی کی مشہور بالی ووڈ اداکارہ روینہ ٹنڈن نے نوجوان مسلمان اداکارہ زائرہ وسیم کو بالی ووڈ چھوڑنے پر نا شکرا قرار دے دیا۔

روینہ ٹنڈن نے ٹویٹر پر نیشنل ایوارڈ یافتہ فلم 'دنگل' کی اداکارہ زائرہ وسیم کے بالی ووڈ سے کنارہ کشی کے اعلان پر طنز کرتے ہوئے کہا کہ اس سے کوئی فرق نہیں پڑتا کہ صرف دو فلمیں کرنے والی اس فلمی صنعت کی ناشکری اداکارہ ہے جسے اس نے سب کچھ دیا، صرف یہی کہہ سکتی ہوں کہ وہ باوقار طریقے سے جائیں اور اپنے فضول خیالات اپنے ہی پاس رکھیں۔

https://twitter.com/TandonRaveena/status/1145327226490982400

روینہ ٹنڈن میں اپنی دوسری ٹویٹ میں زائرہ وسیم پر غصے کا اظہار کرتے ہوئے کہا کہ میں اپنی فلم انڈسٹری سے محبت کے ساتھ کھڑی ہوں، جس نے ہر ایک کو تمام تر مواقع فراہم کیے ہیں، اس سے باہر جانا آپ کا اپنا انتخاب ہے تاہم (فلم انڈسٹری میں رہنے پر) دیگر لوگوں کی تذلیل نہ کی جائے، اس فلمی صنعت میں سب شانہ بشانہ کھڑے ہیں جہاں مذہب، رنگ نسل اور علاقے کا کوئی امتیاز نہیں رکھا جاتا۔

I standby and love my industry,all the opportunities it gives to everyone. Exit is your choice,reason,by all means.Just do not demean it for everyone else.The industry where all work shoulder to shoulder,no differences,caste,religion or where you come from. #Respect #indianfilms https://t.co/hRJKTfI9J8

— Raveena Tandon (@TandonRaveena) June 30, 2019

واضح رہے کہ نیشنل ایوارڈ یافتہ اداکارہ زائرہ وسیم نے گزشتہ روز اچانک بالی ووڈ سے قطع تعلق کرنے کی وجہ بتاتے ہوئے اعلان کیا تھا کہ 5 سال پہلے میں نے بالی ووڈ میں قدم رکھنے کا فیصلہ کیا جس نے میری زندگی کو ہمیشہ کے لیے بدل کر رکھ دیا۔

یہ پڑھیں: دنگل گرل زائرہ وسیم کا بالی ووڈ چھوڑنے کا اعلان

زائرہ وسیم نے یہ بھی کہا تھا کہ تاہم اب بالی ووڈ میں کام کرنے کی وجہ سے ان کا ایمان خطرے میں پڑ رہا ہے اور اللہ ہمیں ہمارے ایمان کو مضبوطی سے قائم رکھنے والا بنائے اور ہمیں ان لوگوں جیسا بنائے جو اس کی یاد میں مصروف رہتے ہیں۔