پاکستان نے بھارت کو شکست دے کر عالمی ٹیم اسنوکر چیمپئن شپ جیت لی

قطر میں منعقدہ ایونٹ کے فائنل میں اسجد اقبال اور محمد بلال نے سابق عالمی چیمپئین پنکج ایڈوانی اور لکشمن راوت کو ہرایا (فوٹو: سوشل میڈیا)

---

پاکستان نے بھارت کو شکست دے کر عالمی ٹیم کپ اسنوکر چیمپئن شپ 2019ء کا ٹائٹل اپنے نام کرلیا۔

ایکسپریس کے مطابق پاکستان نے 'ایشین اسنوکر ٹیم چیمپئن شپ' کے بعد اب قطر کے شہر دوحا میں منعقدہ 'عالمی ٹیم کپ اسنوکر چیمپئن شپ 2019ء' میں بھی بھارت کو شکست دے دی، فائنل میں اسجد اقبال اور محمد بلال پر مشتمل پاکستانی ٹیم نے 5 فریمز کے مقابلے میں 1-3 سے بھارت کے خلاف کامیابی حاصل کی۔

Team Pakistan (Asjad Iqbal and Muhammad Bilal wins the IBSF World Team Cup #Snooker 2019 defeating Team India (Pankaj Advani and Laxman Rawat) in the final 3-1 pic.twitter.com/DabjyQ9aRC

— IBSF (@ibsf) July 2, 2019

پاکستان نے پہلے دو فریمز جیتے جب کہ تیسرے فریم میں سابق عالمی چیمپئین پنکج ایڈوانی اور لکشمن راوت پر مشتمل بھارتی سائیڈ نے کامیابی پائی تاہم پاکستان نے چوتھے فریم میں فتح اپنے نام کر کے وننگ ٹرافی پرقبضہ جمالیا۔

Congratulations Pakistan upon winning the IBSF World Cup #Snooker Pakistan defeated India in the final. Welldone Asjad and Bilal #PakvInd #PakistanZindabad pic.twitter.com/zYHgURF5Gd

— Faisal Javed Khan (@FaisalJavedKhan) July 2, 2019

یہ پڑھیں: دوحہ: پاکستان نے بھارت کو ہراکر ایشین اسنوکر ٹیم چیمپئن شپ جیت لی

قبل ازیں دوحا ہی میں منعقدہ اے سی بی ایس 6 ریڈ اسنوکر چیمپئین شپ میں پاکستان نے ایک سلور اور ایک برانز میڈل حاصل کیا تھا، فائنل میں ایران کے عامر سرکوش نے بابر مسیح کو 4-7 سے مات دی جبکہ سیمی فائنل میں عامرسرکوش نے اسجد اقبال کو 2-6 سے قابو کیا۔

ایشین اسنوکر چیمپئین شپ میں پاکستان کو دو برانز میڈلز ملے، سیمی فائنل میں اسجد اقبال سابق عالمی چیمپئین بھارت کے پنکج ایڈوانی اور بابر مسیح تھائی لینڈ کے تھان وا ٹ تیرا پونگ پائبون سے ہار بیٹھے تھے، پاکستان نے بھارت کو شکست دے کر اے سی بی ایس ایشین اسنوکر ٹیم چیمپئین شپ جیتی۔

فائنل میں بابر مسیح اور ذوالفقار اے قادر پر مشتمل پاکستان 2 ٹیم نے بھارت 1 ٹیم کے پنکج ایڈوانی اور لکشمن راوت کو 2-3 سے قابو کرکے گولڈ میڈل اور وننگ ٹرافی پر قبضہ جمایا۔