انگلینڈ نے نیوزی لینڈ کو شکست دے کر سیمی فائنل میں جگہ بنا لی

میچ چیسٹر لی اسٹریٹ کے میدان پر کھیلا گیا، فوٹو: سوشل میڈیا

---

ورلڈکپ کے اہم میچ میں انگلینڈ نے نیوزی لینڈ کو چاروں شانے چت کرتے ہوئے سیمی فائنل میں جگہ پکی کرلی جب کہ کیوی ٹیم کی شکست کے بعد پاکستان کی فائنل فور میں رسائی قریباً ناممکن ہوگئی ہے۔

پاکستان کو اپنے آخری میچ میں بنگلا دیش کے خلاف 316 رنز سے کامیابی حاصل کرنا ہو گی، اگر گرین شرٹس بنگلادیش کو مطلوبہ مارجن سے شکست نہ دے سکا تو بہتر رن ریٹ کی بنیاد پر نیوزی لینڈ سیمی فائنل میں پہنچ جائے گا۔

England book their place in the semi-finals!

Jonny Bairstow's century was the highlight of the England innings before the bowlers took over to help seal a 119-run win. #ENGvNZ | #CWC19 pic.twitter.com/6wE2xVvq0W

— ICC (@ICC) July 3, 2019

چیسٹر لی اسٹریٹ کے میدان پر کھیلے گئے میچ میں میزبان انگلینڈ نے کیویز کو دبوچ لیا، ہاٹ فیورٹ انگلینڈ نے نیوزی لینڈ کو آؤٹ کلاس کرتے ہوئے اگلے مرحلے تک رسائی کی امیدوں کو برقرار رکھا ہے۔

انگلینڈ نے ٹاس جیت کر پہلے بیٹنگ کرتے ہوئے 306 رنز کا مجموعہ کھڑا کیا جو نیوزی لینڈ کے لیے پہاڑجیسا ثابت ہوا، بلیک کیپس ہدف کے تعاقب میں مکمل طور پر ناکام رہی اور پوری ٹیم 186 رنز پر ڈھیر ہوگئی۔

ہدف کے جواب میں بلیک کیپس کا آغاز اچھا نہ تھا اور صرف 14 رنز پر دونوں اوپنر پویلین لوٹ گئے، نکولس صفر اور مارٹن گپٹل 8 رنز ہی بنا سکے، ابتدائی نقصان کے بعد کپتان ولیمسن نے تجربہ کار بیٹسمین راس ٹیلر کے ساتھ محتاط انداز میں اننگز کو آگے بڑھاتے ہوئے 47 رنز جوڑے تاہم 61 کے مجموعی اسکور پر کپتان رن آؤٹ ہوگئے۔

Jos Buttler takes a sublime catch to dismiss the dangerous Martin Guptill and help send @englandcricket on their way to the @cricketworldcup semi-finals!#WeAreEngland | #CWC19 pic.twitter.com/d01I30HQLo

— ICC (@ICC) July 3, 2019

آٹھ رنز کے اضافے سے راس ٹیلر بھی رن آؤٹ ہو کر ٹیم کو مشکلات میں چھوڑ کر چلتے بنے جب کہ جیمس نیشن 123 رنز پر آؤٹ ہوگئے، جارح مزاج بیٹسمین گرینڈ ہوم بھی بڑی اننگز کھیلنے میں ناکام رہے اور 3 رنز بنا کر کیچ تھما بیٹھے۔ آخری پانچ کھلاڑی 58 رنز کا ہی اضافہ کر سکے اور پوری ٹیم 186 رنز پر ڈھیر ہوگئی۔ ٹوم لیتھم 57 رنز کے ساتھ ٹاپ اسکورر رہے جب کہ مچل سنٹنر اور ہنری نے 7،7 اور بولٹ نے 4 رنز بنائے۔ کیوی ٹیم کے 6 بلے باز ڈبل فیگرز میں بھی داخل نہ ہوسکے۔

#KaneWilliamson and Ross Taylor are both back in the changing room after being run out.

Are England going to book their place in the semi-finals of the @cricketworldcup today?#ENGvNZ | #CWC19 pic.twitter.com/a8HrXExhwi

— ICC (@ICC) July 3, 2019

انگلش بولر ووڈ نے سب سے زیادہ 3 وکٹیں حاصل کیں، ووکس، آرچر، پلنکٹ، عادل رشید اور بین اسٹوکس نے ایک ایک وکٹ حاصل کی۔

اس سے قبل انگلینڈ کی جانب سے اننگز کا آغاز جیسن رائے اور بیراسٹو نے کیا، دونوں اوپنرز نے ٹیم کو جارحانہ کھیل پیش کیا اور 132 رنز کی شراکت قائم کی تاہم جیسن رائے 60 رنز بنانے کے بعد آؤٹ ہوگئے۔

25 overs gone and England look set for a mammoth total – they're currently 161/1.

Make sure to follow all the action from #ENGvNZ on the #CWC19 app 👇

APPLE 👉 https://t.co/VpYh7SIMyP
ANDROID 👉 https://t.co/cVREQ16w2N pic.twitter.com/QlM3CD9fmf

— ICC (@ICC) July 3, 2019

ون ڈاؤن آنے والے جوئے روٹ نے صرف 24 رنز بنائے اور آؤٹ ہوگئے جب کہ اوپنر بیراسٹو نے جارحانہ انداز میں سنچری مکمل کی اور 106 رنز بناکر آؤٹ ہوگئے۔ بہترین اوپننگ شراکت ملنے کے باوجود بعد میں آنے والے بلے باز بڑا ٹوٹل بنانے میں ناکام رہے، جوس بٹلر اور بین اسٹوکس 11،11 رنز بناکر آؤٹ ہوئے جب کہ کپتان اون مورگن بھی 42 رنز کی اننگز کھیل کر پویلین واپس لوٹ گئے۔

نیوزی لینڈ کی جانب سے ٹرینٹ بولٹ، میٹ ہنری، جیمز نیشام نے 2،2 اور مائیکل سینٹنر نے ایک وکٹ حاصل کی۔