تربت بازار میں دستی بم حملے کے نتیجے میں 2 اہلکاروں سمیت 8 افراد زخمی ہوگئے۔

پولیس ذرائع کے مطابق تربت کے مین بازار میں نامعلوم مسلح موٹر سائیکل سواروں نے فورسزکی چوکی پر دستی بم پھینکا جس کے نتیجے میں 2 اہلکاروں سمیت 8 افراد زخمی ہوگئے جب کہ ملزمان موقع سے فرار ہوگئے۔

واقعے کے بعد مقامی انتظامیہ نے موقع پر پہنچ کر زخمیوں کو قریبی اسپتال منتقل کیا جہاں انہیں طبی امداد فراہم کی گئی جب کہ سیکیورٹی فورسز نے علاقے کو گھیرے میں لے کر ملزمان کی تلاش شروع کردی ہے۔