نواز شریف کو دی گئی سرکاری مرسیڈیز بینز کار واپس لے لی گئی

کار نمبرجی اے ڈی 059 واپس لے کرسینٹرل پول میں پارک کردی گئی، ذرائع۔ فوٹو:فائل

---

سابق وزیراعظم نواز شریف کو دی گئی مرسیڈیزبینز کار واپس لے کر سینٹرل پول میں پارک کردی گئی۔

ایکسپریس نیوزکے مطابق سابق وزیراعظم نواز شریف کو دی گئی مرسیڈیزبینز کار واپس لے لی گئی اور سینٹرل پول میں پارک کردی گئی ہے، نواز شریف کو یہ کار وزیراعظم آفس سے دی گئی تھی۔

ذرائع کا کہناہے کہ نواز شریف کو سابق وزیراعظم ہونے پر یہ کار وزیراعظم آفس سے دی گئی تھی تاہم کیبنٹ ڈویژن نے ایک لیٹر میں کار سابق وزیراعظم کے زیر استعمال نہ ہونے پر واپس کرنے کا کہا تھا، نوازشریف کے زیر استعمال رہنے والی کار نمبر جی اے ڈی 059 واپس لے کرسینٹرل پول میں پارک کردی گئی۔

دوسری معاون خصوصی فردوس عاشق اعوان کا کہنا ہے کہ جاتی عمرہ سے مال مسروقہ برآمد ہونا شروع ہو گیا ہے، قوم غربت کی چکی میں پس رہی تھی اور یہ لگژری گاڑیوں کے مزے اٹھا رہے تھے، نوازشریف قوم کے پیسے پر مہنگی گاڑیوں کے مزے لوٹتے رہے ، آج جیل میں بیٹھ کر عوام کی باتیں محض دھوکہ ہے۔

جاتی عمرہ سے مال مسروقہ برآمد ہونا شروع ہو گیا ہے۔قوم غربت کی چکی میں پس رہی تھی اور یہ لگژری گاڑیوں کے مزے اٹھا رہے تھے۔میاں صاحب قوم کے پیسے پر مہنگی گاڑیوں کے مزے لوٹتے رہے ، آج جیل میں بیٹھ کر عوام کی باتیں محض دھوکہ ہے۔ pic.twitter.com/z5mEW3asSV

— Dr. Firdous Ashiq Awan (@Dr_FirdousAwan) July 4, 2019