لا پتہ ہونے والے ہر شخص کو ریاست سے منسوب نہیں کیا جاسکتا ترجمان پاک فوج

بعض لاپتہ افرادافغانستان میں دہشتگردوں سےلڑائی میں مارےگئے، ترجمان پاک فوج۔ فوٹو:آئی ایس پی آر

---

KARACHI: ترجمان پاک فوج میجر جنرل آصف غفور کا کہنا ہے کہ ہمیں یہ بات سمجھنی چائیے کہ لا پتہ ہونے والا ہر شخص ریاست سے منسوب نہیں کرنا چاہئے۔

پاک فوج کے شعبہ تعلقات عامہ (آئی ایس پی آر) کے مطابق ڈی جی آئی ایس پی آر میجر جنرل آصف غفور سے چیئرپرسن ڈیفنس آف ہیومن رائٹس آمنہ مسعود جنجوعہ نے ملاقات کی جس میں لاپتہ افراد کے مسئلے پر بات چیت کی گئی۔

اس موقع پر پاک فوج کے ترجمان میجرجنرل آصف غفور کا کہنا تھا کہ ہر لاپتا شخص کی گمشدگی کو ریاست سے نہیں جوڑا جاسکتا، کئی لاپتا افراد افغانستان میں یا کہیں اور کالعدم ٹی ٹی پی کا حصہ ہیں، جب کہ کئی لاپتا افراد ٹی ٹی پی کی طرف سے لڑتے ہوئے مارے گئے، اور جو افراد ریاست کے پاس ہیں وہ قانونی عمل سےگزر رہے ہیں۔

Not every person missing is attributable to state. Many are there as part of TTP in Afg/ elsewhere or got killed fighting as part of TTP. Those with state are under legal process. She pledged that affected families shall not allow any anti state force to exploit them.(2of2). pic.twitter.com/DugYN1o1CC

— DG ISPR (@OfficialDGISPR) July 5, 2019

ڈی جی آئی ایس پی آر نے آمنہ مسعود جنجوعہ کو بتایا کہ ہمارے دل لاپتا افراد کے اہل خانہ کے ساتھ دھڑکتے ہیں، لاپتہ افراد کے حوالے سے جوڈیشل کمیشن سمیت حکومت اور سیکیورٹی فورسز بھی کام کر رہی ہیں اور اس معاملے پرجی ایچ کیو میں اسپیشل اسسٹنس سیل بھی قائم کیا گیا ہے۔

Met Amina Masood Janjua. Issue of missing persons discussed. State is with them to facilitate and address the issue. COAS has constituted a spec cell at GHQ for assisting the process. Our hearts go with the families of missing persons being Pakistanis. (1of2). pic.twitter.com/O5nI4hJ5Kc

— DG ISPR (@OfficialDGISPR) July 5, 2019