فائرنگ کے تبادلے کے بع د3 ملزمان گرفتار اسلحہ برآمد

آرام باغ پولیس نے فائرنگ کے تبادلے کے بعد ایک زخمی سمیت3 ملزمان کو گرفتار کر کے اسلحہ برآمد کر لیا ۔


تفصیلات کے مطابق آرام باغ پولیس نے ایم اے جناح روڈ ڈی ایم سی سگنل کے قریب سے پولیس مقابلے کے دوران ایک زخمی ملزم28 سالہ محمد فرحان ولد محمد زہیر اور اس کے2ساتھی عمیر ولد عبد الرزاق اور محمد یوسف ولد محمد سلیم کو گرفتار کر کے ان کے قبضے سے2پستول اور6چھینے ہوئے موبائل فون برآمد کر لیے۔

پولیس کے مطابق گرفتار ملزمان برنس روڈ فوڈ اسٹریٹ سے لوٹ مار کر کے آرہے تھے جس پر اے ایس آئی نصیر الحسن نے پولیس موبائل میں ملزمان کا تعاقب کیا اور روکنے کی کوشش کی جس پر ملزمان نے پولیس پر فائرنگ کر دی پولیس نے جوابی فائرنگ کے بعد زخمی سمیت تینوں ملزمان کو گرفتار کر لیا ۔