دفتر خارجہ کی وزیراعظم عمران خان کو دورہ روس کی دعوت کی تردید

وزیراعظم عمران خان کی روس میں ایسٹرن اکنامک فورم میں شرکت کی خبریں محض قیاس آرائیاں ہیں، دفتر خارجہ فوٹو:فائل

---

دفتر خارجہ نے روسی صدر ولادی میر پیوٹن کی جانب سے وزیراعظم عمران خان کو روس کے دورے کی دعوت دینے کی تردید کردی۔

ترجمان دفتر خارجہ ڈاکٹر محمد فیصل نے ٹوئٹ کرتے ہوئے وضاحت کی کہ وزیراعظم عمران خان کی روس میں ایسٹرن اکنامک فورم میں شرکت کی خبریں محض قیاس آرائیاں ہیں۔ ڈاکٹر محمد فیصل نے کہا کہ پاکستان اور روس اعلی ترین سطح پر رابطے میں ہیں، اس سلسلے میں کوئی بھی اعلان مناسب وقت پر باضابطہ طور پر کیا جائے گا۔

Reports appearing in media about Prime Minister’s participation in Eastern Economic Forum (EEF) in Russia are speculative. Pakistan and Russia remain in contact about engagement at the highest level. Any announcement in this regard would be made formally at appropriate time.

— Dr Mohammad Faisal (@DrMFaisal) July 9, 2019

واضح رہے کہ ہفتے کے روز خبر سامنے آئی تھی کہ روسی صدر پیوٹن نے وزیراعظم عمران خان کو ایسٹرن اکنامک فورم میں شرکت کیلئے روس کے دورے کی دعوت دی ہے اور وزیراعظم نے دورہ روس کی دعوت قبول کرلی ہے۔ ایسٹرن اکنامک فورم 4 تا 6 ستمبر کو روسی شہر ولادی ووستوک میں ہوگا۔