ہری پور میں مسافر بس کھائی میں گرنے سے 4 افراد جاں بحق

ناڑہ امازئی جانے والی مسافر بس کھائی میں گرنے سے 4 افراد جاں بحق اور 30 افراد شدید زخمی ہوگئے۔


ایکسپریس نیوز کے مطابق خیبرپختون خوا کے ضلع ہری پور میں مسافر بس کھائی میں گرنے کے نتیجے میں 4 افراد جاں بحق جب کہ 30 افراد زخمی ہوگئے، ضلع بھر کے اسپتالوں میں ایمرجنسی نافذ کردی گئی۔

پولیس کے مطابق مسافر بس ناڑہ امازئی جارہی تھی کہ کپڑی کے مقام پر حادثے کا شکار ہوگئی، مقامی افراد کے مطابق گاڑی میں 34 افراد سوار تھے جن میں سے 4 افراد کی لاشیں نکال لی گئی ہیں اور باقی 30 افراد کو اپنی مدد آپ کے تحت نکالنے کی کوشش کی جارہی ہے تاہم اندھیرے اور دشوار راستوں کی وجہ سے مشکلات کا سامنا ہے۔