KARACHI: پاک افغان سرحدی علاقے میں سیکیورٹی فورسز نے کاروائی کے دوران بڑی تعداد میں بھاری اسلحہ برآمد کر لیا۔

برآمد کئے جانے والے اسلحے میں چالیس ایم ایم راکٹ کے پچپن گولے، بیاسی ایم ایم راکٹ کے بیس گولے، پینتیس شارٹ مشین گن، تیرہ ہیوی مشین گن شامل ہیں۔ اس کے علاوہ پانچ مارٹر، پچھہتر آر آر کے دو گولے، ایس پی جی نائن کی دو گنز، تیس بندوقیں، کلاشنکوفیں اور باسٹھ ہزار مختلف کارتوس بھی برآمد کئے جانے والے اسلحے میں شامل ہیں۔