نیوزی لینڈ سے شکست کے بعد بھارتی ٹیم سوشل میڈیا پر مذاق کا نشانہ بن گئی

ورلڈ کپ میچ کے دوران نیوزی لینڈ کے ہاتھوں شکست کے بعد بھارتی ٹیم سوشل میڈیا پر مذاق کا نشانہ بن گئی۔

نیوزی لینڈ اور بھارت کے گزشتہ روز ہونے والے میچ سے قبل خیال کیا جارہا تھاکہ یہ میچ بھارت باآسانی جیت لے گا لیکن نیوزی لینڈ نے نہ صرف میچ میں شاندار کارکردگی دکھائی بلکہ بھارت کو ورلڈ کپ سے ہی باہر کر دیا اور بھارت کا ورلڈ کپ جیتنے کا خواب ادھورا رہ گیا۔

اس خبرکوبھی پڑھیں: بھارت کے ورلڈ کپ سے باہر ہونے پر مقبوضہ کشمیر میں جشن کا سماں

نیوزی لینڈ کے ہاتھوں بھارت کی شکست نے پاکستانیوں کے زخموں پر مرہم کا کام کیا اورپاکستانیوں کو قومی ٹیم کا ورلڈ کپ سے باہر ہونے کا غم بھلادیا۔ بھارت کی ہار پر جتنا نیوزی لینڈ میں جشن منایا گیا اس سے کہیں زیادہ پاکستانیوں نے اس جیت کا جشن منایا۔ پاکستانی صارفین سوشل میڈیا پر بھارت کو ہرانے پر نیوزی لینڈ کا شکریہ ادا کر رہے ہیں۔

اس خبرکوبھی پڑھیں: نیوزی لینڈ کے ہاتھوں بھارت کی شکست پر پاکستانی فنکار بھی خوش

پاکستانی سوشل میڈیا پر سرگرم ناصر خان جان نے بھارت کی شکست پر کہا انڈیا اگر چاہے تو ہم سے ابھی نندن والا کپ لے سکتا ہے۔

پاکستانی سوشل میڈیا پر سب سے زیادہ وائرل ہونے والی تصویر نیوزی لینڈ کے کپتان کین ولیمسن کی ہے جس میں انہوں نے پاکستانی کٹ پہنی ہے یقیناً یہ تصویر فوٹوشاپ ہے تاہم پاکستانیوں نے اس تصویر کو بہت شیئر کیا ہے اور ان کا شکریہ ادا کرتے ہوئے انہیں میجر کین ولیمسن کا خطاب دیتے ہوئے کہا ہمیں آپ پر فخر ہے۔

سوشل میڈیا پر ایک پاکستانی مداح کی تصویر بہت زیادہ وائرل ہورہی ہے جس نے نیوزی لینڈ کا جھنڈا ہاتھ میں پکڑا ہوا ہے اور نیوزی لینڈ کی جیت پر مسکرارہا ہے۔ یہاں تک کہ پاکستانیوں نے بھارت کو ہرانے پر نیوزی لینڈ کا نام بدل کر نیوزیستان رکھ دیا ہے۔

انوشکا شرما اور کوہلی کی یہ تصویر بھی بہت زیادہ وائرل ہورہی ہے جس میں انوشکا کوہلی کے برابر میں افسوسناک انداز میں بیٹھی ہوئی ہیں۔

ایک صارف نے لکھا 2 بھارتی جنہوں نے لائن کراس کرنے کی کوشش کی اورمنہ کی کھائی۔

بھارت کی شکست پر نیوزی لینڈ کی وزیراعظم جیسنڈرا آرڈرن کی تصویر بہت زیادہ وائرل ہورہی ہے جس پر کیپشن لکھا ہوا ہے پاکستانیوں آپ کی بہن کشمیر بھی آزاد کروائے گی۔







بھارت کی شکست کو بیان کرنے کا ایکسپریس نیوز کا یہ انداز سوشل میڈیا پر بہت زیادہ وائرل ہورہا ہے۔

[instagram-post url="https://www.instagram.com/p/BzwtgLDAH95/"]