ایک بار پھر ”انداز اپنا اپنا“ کے سیکوئل کیلئے عامراورسلمان کی جوڑی پرغور

راج کمار سنتوشی نے اپنی فلم ”انداز اپنا اپنا“ کے سیکوئل کےلئے دو کہانیاں تحریر کی ہیں فوٹو: فائل

---

SUKKUR: ہندی فلموں کے ہدایت کار اور پرڈیوسر راج کمار سنتوشی کی سپرہٹ فلم "انداز اپنا اپنا" کے سیکوئل میں عامر خان اور سلمان خان یا رنبیر کپور اور شاہد کپور کو کاسٹ کرنے پر غور کیا جارہا ہے۔

میڈیا رپورٹس کے مطابق راج کمار سنتوشی نے اپنی فلم "انداز اپنا اپنا" کے سیکوئل کےلئے دو کہانیاں تحریر کی ہیں۔ ایک کہانی میں عامرخان اور سلمان خان کو کاسٹ کرنے کافیصلہ کیا گیا ہے جب کہ دونوں کے سپر اسٹارز کے انکار کی صورت میں دوسری کہانی پر سیکوئل بنایا جائے گا جس میں رنبیر کپور اور شاہد کپور مرکزی کردار ادا کریں۔

مسٹر پرفیکٹ عامر خان اور سلو میاں کے مداحوں کےلئے خوشخبری تو ہے کہ وہ ایک بار پھر اپنے پسندیدہ اسٹارز کو ایک ساتھ دیکھ سکتے ہیں لیکن مداحوں کی یہ خواہش دونوں اسٹارز کی مرضی کے بغیر پوری نہیں ہوسکتی۔

واضح رہے کہ راج کمار سنتوشی کی ہدایت میں 1994 میں بننے والی مزاحیہ فلم "انداز اپنا اپنا" سلمان خان اور عامر خان کے ساتھ کرشمہ کپور اور روینہ ٹنڈن نے مرکزی کردار ادا کئے تھے۔