چیف جسٹس افتخار محمد چوہدری نے لاہورمیں 5 سالہ بچی کے ساتھ زیادتی کے واقعے کا ازخود نوٹس لیتے ہوئے آئی جی پنجاب سے رپورٹ طلب کر لی ہے۔
ایکسپریس نیوز کے مطابق چیف جسٹس افتخار محمد چوہدری نے لاہور میں 5 سالہ بچی سنبل کے ساتھ زیادتی کے واقعے کا از خود نوٹس لیتے ہوئے آئی جی پنجاب سے آج صبح تک رپورٹ طلب کر لی ہے۔
واضح رہے کہ گزشتہ روز نامعلوم ملزمان نے معصوم بچی کو گھر کے باہر کھیلتے ہوئے اغوا کیا اور زیادتی کا نشانہ بنانے کے بعد اسے گنگارام اسپتال کے گیٹ پر باہر پھینک کر فرار ہو گئے تھے۔ میڈیا پر خبر نشر ہونے کے بعد تھانہ مغلپورہ پولیس نے بچی کے اغوا اور زیادتی کا مقدمہ درج کرلیا تاہم تاحال کسی بھی ملزم کو گرفتار نہیں کیا جا سکا ہے، وزیراعلیٰ پنجاب شہباز شریف نے واقعے کا نوٹس لیتے ہوئے متعلقہ حکام کو ملزمان کو جلد سے جلد گرفتار کرنے کا حکم دیا ہے۔