پاکستان نے افغانستان میں دہشت گردی کے الزامات کو مسترد کردیا

ہم پر دہشت گردی میں ملوث ہونے کا الزام مفاہمت کی پالیسی کے برعکس ہے (فوٹو: فائل)

---

ISLAMABAD: پاکستان نے افغانستان میں دہشت گردی کے حالیہ واقعات سے متعلق الزامات کو بے بنیاد قرار دیتے ہوئے مسترد کردیا۔

ترجمان دفتر خارجہ ڈاکٹر محمد فیصل نے ٹویٹر بیان میں لکھا ہے کہ پاکستان افغانستان میں کسی بھی قسم کی دہشت گردی کے واقعات کی مذمت کرتا ہے اور امید رکھتا ہے کہ افغانستان اور خطے میں دیر پا امن کے لیے دونوں اطراف سے تعمیری کام جاری رکھا جائے گا۔

Pakistan condemns all acts of terrorism in Afghanistan and hopes that both sides would continue working constructively for durable peace in Afghanistan and the region.

2/2

— Ministry of Foreign Affairs - Pakistan (@ForeignOfficePk) July 19, 2019

ترجمان نے مزید کہا کہ پاکستان افغانستان میں دہشت گردی کے حالیہ واقعات سے متعلق بے بنیاد الزامات کو مسترد کرتا ہے جب کہ الزام تراشی کا اقدام مفاہمت کی پالیسی کے برعکس ہے۔

واضح رہے کہ جمعے کو کابل یونیورسٹی کے قریب دھماکے میں متعدد افراد ہلاک ہوئے تھے جب کہ گزشتہ روز قندھار میں پولیس ہیڈ کوارٹرز کے دروازے پر کار بم دھماکے میں 12 افراد لقمہ اجل بنے تھے۔